സെലിബ്രിറ്റിയാണെങ്കിലും ഒരു മനുഷ്യനാണ്... വ്യാജ വാര്ത്തകള്ക്കെതിരെ പ്രതികരിച്ച് നേഹ
ഇന്ത്യന് ഐഡല് എന്ന റിയാലിറ്റി ഷോയുടെ പത്താം സീസണിന്റെ വിധികര്ത്താക്കളിലൊരാളാണ് നേഹ. മത്സരാര്ത്ഥികളില് ഒരാളുമായി താരം പ്രണയത്തിലാണെന്നു പ്രചരിക്കുന്നു. ഇരുവരും ഒന്നിച്ച് സംഗീതപരിപാടികളില് പങ്കെടുത്തതോടെയാണ് ഗോസിപ്പുകള് തുടങ്ങിയത്. എന്നാല് ഇത്തരം ഗോസിപ്പ് സൃഷ്ടിക്കുന്നവരോട് ഇനിയെങ്കിലും ഹൃദയമില്ലാത്തവരായി തുടരല്ലേ എന്നാണ് നേഹയ്ക്ക് പറയാനുള്ളത്.
'ഇതെഴുതുമ്ബോള് ഞാന് അത്ര നല്ല അവസ്ഥയിലല്ല. ശാരീരികമായും മാനസികമായും. പക്ഷെ ഞാനിപ്പോള് സംസാരിക്കേണ്ടിയിരിക്കുന്നു. ഞാന് ആരുടെയെങ്കിലും മകളും സഹോദരിയുമൊക്കെ ആണെന്ന് അവര് മനസ്സിലാക്കുന്നില്ല. എന്റെ വീട്ടിലുള്ളവര്ക്ക് അഭിമാനമാകാന് ജീവിതത്തില് ഒരുപാട് കഷ്ടപ്പെട്ടിട്ടുണ്ട് ഞാന്. എന്റെ ബന്ധുക്കളോ സുഹൃത്തുക്കളോ അല്ലാത്തവരോട് പോലും വളരെ നല്ല രീതിയിലാണ് ഞാന് നിന്നിട്ടുള്ളത്', നേഹ കുറിച്ചു.
മറ്റൊരാളുടെ ജീവിതത്തെ എത്ര മോശമായി ബാധിക്കും എന്നൊന്ന് ചിന്തിക്കാതെ പോലെയും അവര് എന്തുകൊണ്ടാണ് ഇങ്ങനെയുള്ള കാര്യങ്ങള് പ്രചരിപ്പിക്കുന്നതെന്ന് രോഷത്തോടെ ചോദിക്കുന്ന നേഹ 'സെലിബ്രിറ്റിയാണെങ്കിലും ഒരു മനുഷ്യനാണെന്ന് ചിന്തിച്ചുകൂടെ. ഇത്ര ഹൃദയശൂന്യരാകരുത്. മറ്റൊരാളുടെ സ്വകാര്യ ജീവിതത്തെക്കുറിച്ചും സ്വഭാവത്തെക്കുറിച്ചും പ്രചരിപ്പിക്കുന്നത് അവസാനിപ്പിക്കൂ', വെന്നും പറയുന്നു.
ഇവര്ക്ക് വിഷാദം ഉണ്ടാകുന്നതുവരെ ഇങ്ങനെ ചെയ്തുകൊണ്ടിരിക്കരുതെന്നും ഇത്തരം മോശമായ പ്രചരണങ്ങള് ഒരാളെ സ്വന്തം ജീവന് ഇല്ലാതാക്കാന് വരെ ചിന്തിപ്പിക്കുമെന്നും നേഹ കുറിച്ചു.
https://www.facebook.com/Malayalivartha
