നാലു പ്രതികളുള്ള കേസില് മോഹന്ലാല് ഒന്നാം പ്രതി!! ആനക്കൊമ്ബ് കൈവശം വെച്ച കേസില് മോഹന്ലാലിനെ പിന്തുണച്ച് ഹൈക്കോടതിയിലടക്കം മൂന്നുവട്ടം റിപ്പോര്ട്ട് നല്കിയശേഷം വനംവകുപ്പിന്റെ മലക്കംമറിച്ചില്
നാലു പ്രതികളുള്ള കേസില് മോഹന്ലാല് ഒന്നാം പ്രതിയും, തൃശൂര് ഒല്ലൂര് സ്വദേശി പിഎന് കൃഷ്ണ കുമാര് രണ്ടാം പ്രതി, തൃപ്പൂണിത്തുറ എരൂര് സ്വദേശി കെ കൃഷ്ണകുമാര് മൂന്നാം പ്രതിയും ചെന്നൈ പെനിന്സുല ഹൈറോഡില് താമസിക്കുന്ന നളിനി രാധാകൃഷ്ണന് നാലാം പ്രതിയുമാണ്. മോഹന്ലാലിനെ പിന്തുണച്ച് ഹൈക്കോടതിയിലടക്കം മൂന്നുവട്ടം റിപ്പോര്ട്ട് നല്കിയശേഷമാണു വനംവകുപ്പിന്റെ മലക്കംമറിച്ചില്. വന്യമൃഗസംരക്ഷണനിയമത്തിലെ വകുപ്പുകള് ഈ കേസില് ബാധകമല്ലെന്നായിരുന്നു വനംവകുപ്പിന്റെ ആദ്യനിലപാട്. ഹര്ജിക്കാരന്റെ ലക്ഷ്യം പ്രശസ്തി മാത്രമാണെന്നും ഫോറസ്റ്റ് ചീഫ് പ്രിന്സിപ്പല് കണ്സര്വേറ്റര് ഹൈക്കോടതിയില് വാദിച്ചിരുന്നു. കെ കൃഷ്ണകുമാറിന്റെ കൃഷ്ണന്കുട്ടി എന്ന ആന ചരിഞ്ഞപ്പോള് എടുത്ത കൊമ്ബാണിതെന്നും വനംവകുപ്പ് കോടതിയില് ചൂണ്ടിക്കാട്ടിയിരുന്നു. ആനക്കൊമ്ബ് സൂക്ഷിക്കാന് ലൈസന്സ് ഇല്ലാത്ത മോഹന്ലാല് മറ്റു രണ്ടുപേരുടെ ലൈസന്സിലാണ് ആനക്കൊമ്ബുകള് സൂക്ഷിച്ചതെന്നാണ് അന്വേഷണസംഘം കണ്ടെത്തിയത്. കേസില് ഏഴു വര്ഷത്തിനു ശേഷംഇക്കഴിഞ്ഞ 16 ന് മോഹന്ലാലിനെ പ്രതിയാക്കി വനംവകുപ്പ് പെരുമ്ബാവൂര് മജിസ്ട്രേറ്റ് കോടതിയില് കുറ്റപത്രം സമര്പ്പിച്ചിരുന്നു.
2012 ല് വനംവകുപ്പ് രജിസ്റ്റര് ചെയ്ത കേസ് നീണ്ടുപോകുന്നതിനെതിരെ ഹൈക്കോടതി നേരത്തെ വിമര്ശനം ഉന്നയിച്ചതിനെ തുടര്ന്നാണ് മജിസ്ട്രേറ്റ് കോടതിയിലും തുടര്ന്ന് ഹൈക്കോടതിയിലും തിടുക്കത്തില് വനം വകുപ്പ് കുറ്റപത്രം സമര്പ്പിച്ചിരിക്കുന്നത്. മോഹന്ലാലിന്റെ കൊച്ചിയിലെ തേവരയിലുള്ള വീട്ടില് നിന്നാണ് ആദായവകുപ്പ് റെയ്ഡിനിടെ നാല് ആനക്കൊമ്ബ് പിടിച്ചെടുത്തതെന്നും കുറ്റപത്രത്തില് വ്യക്തമാക്കിയിട്ടുണ്ട്. ആനക്കൊമ്ബ് കൈവശം വയ്ക്കുന്നതും കൈമാറ്റം ചെയ്യുന്നതും വന്യജീവി സംരക്ഷണനിയമപ്രകാരം കുറ്റകരമാണെന്നു കോടതിയില് സമര്പ്പിച്ച കുറ്റപത്രത്തില് പറയുന്നു. കേസ് എന്തുകൊണ്ടു തീര്പ്പാക്കുന്നില്ലെന്നു മൂന്നാഴ്ചയ്ക്കകം അറിയിക്കാന് മജിസ്ട്രേറ്റ് കോടതിയോടു ഹൈക്കോടതി നിര്ദേശിച്ചിരുന്നു. ഇതിനു പിന്നാലെയാണ് വനംവകുപ്പിന്റെ നടപടി.
https://www.facebook.com/Malayalivartha
