ഈ മനുഷ്യനെ ബോഡി ഷെയിമിംങ്ങ് നടത്തിയവരോടാണ് ഞാന് സംസാരിക്കുന്നത്…ലാലേട്ടാ വിണ്ടും ഒരു ലാല് സലാം; മോഹന്ലാലിനെ വിമര്ശിച്ചവർക്ക് തക്ക മറുപടിയുമായി ഹരീഷ് പേരടി
സമൂഹമാധ്യമങ്ങളില് മോഹന്ലാലിനെതിരെ ബോഡി ഷെയ്മിങ് നടത്തിയവര്ക്കെതിരെ രംഗത്തെത്തിയിരിക്കുകയാണ് നടന് ഹരീഷ് പേരടി. ഫേസ്ബുക്കിലൂടെയാണ് താരം വിമർശനം അറിയിക്കുന്നത്.
ഹരീഷ് പേരടിയുടെ പോസ്റ്റിലൂടെ...
ഈ മനുഷ്യനെ ബോഡി ഷെയിമിംങ്ങ് നടത്തിയവരോടാണ് ഞാന് സംസാരിക്കുന്നത് … ഞാന് കുഞ്ഞാലി മരക്കാരുടെ മലയാളവും തമിഴും ഡബ്ബിംഗ് പൂര്ത്തിയാക്കി … ഞാനും ഈ മഹാനടനും തമ്മില് അതിവൈകാരികമായ ഒരു സീനുണ്ട്… അതില് തന്റെ മുഖത്തിന്റെ ഒരു ഭാഗം മാത്രം തന്ന് ഈ മനുഷ്യന്റെ ഒരു അഭിനയ മുഹുര്ത്തമുണ്ട്… അതില് കുഞ്ഞാലിയുടെ ഹൃദയമായിരുന്നു അവിടെ മുഴുവന് പ്രകാശിച്ചത്…. നിരവധി തവണ ആവര്ത്തിച്ച് കണ്ടിട്ടും കുഞ്ഞാലിയുടെ മനസ്സ് കവരാനുള്ള ഈ അഭിനയ തസ്ക്കരന്റെ വിദ്യ എന്താണെന്ന് ഒരു അഭിനയ വിദ്യാര്ത്ഥി എന്ന നിലക്ക് ഞാനിപ്പോഴും അന്വേഷിച്ചു കൊണ്ടിരിക്കുകയാണ് … ആയോധനകലയിലെ പുലികളായ ഒരു പാട് ശരീരഭാരമുള്ള കളരിഗുരക്കന്മാരെ കണ്ട വടക്കന്കളരിയുടെ നാട്ടില് നിന്ന് വരുന്ന എനിക്ക് ഈ ബോഡി ഷെയിമിംങ്ങിനെ അറിവില്ലായ്മയായി മാത്രമെ കാണാന് പറ്റുകയുള്ളു… ലാലേട്ടാ വിണ്ടും ഒരു ലാല് സലാം…
https://www.facebook.com/Malayalivartha
