മഞ്ജു വാര്യരുടെ മൊഴി രേഖപ്പെടുത്താന് കഴിഞ്ഞില്ലെന്ന് അന്വേഷണസംഘം
നടി മഞ്ജു വാര്യര് സംവിധായകന് ശ്രീകുമാര് മേനോനെതിരെ നല്കിയ പരാതിയില് താരത്തിന്റെ മൊഴി രേഖപ്പെടുത്താന് അന്വേഷണസംഘത്തിന് കഴിഞ്ഞില്ല. ഷൂട്ടിങ്ങുമായി ബന്ധപ്പെട്ട് താരം ഇപ്പോള് വാഗമണിലാണ് ഉള്ളത്. കൊച്ചിയിലെത്തിയാല് ഉടന് മൊഴി രേഖപ്പെടുത്തുമെന്ന് തൃശൂര് ജില്ലാ ക്രൈംബ്രാഞ്ച് എസിപി സി.ഡി.ശ്രീനിവാസന് പറഞ്ഞു.
മഞ്ജു വാര്യരുടെ പരാതിയുടെ അടിസ്ഥാനത്തില് ശ്രീകുമാര് മേനോനെതിരെ സ്ത്രീകളെ അപമാനിക്കുക, സമൂഹമാധ്യമങ്ങളിലൂടെ അപകീര്ത്തിപ്പെടുത്തുക, ഗൂഢ ഉദ്ദേശത്തോടെ പിന്തുടരുക എന്നീ വകുപ്പുകള് പ്രകാരമാണ് പോലീസ് കേസെടുത്തത്. ശ്രീകുമാര് മേനോന് മോഹന്ലാലിനെ നായകനാക്കി സംവിധനം ചെയ്ത ബിഗ് ബജറ്റ് ചിത്രമായ ഒടിയനില് മഞ്ജുവാണ് നായികാ വേഷത്തിലെത്തിയത്. ചിത്രത്തിന്റെ റിലീസിന് ശേഷം ഉണ്ടായ ട്രോളുകള്ക്കും, സൈബര് ആക്രമണങ്ങള്ക്കും പിന്നില് ശ്രീകുമാര് മേനോനും, സുഹൃത്തുമാണെന്നാണ് മഞ്ജുവിന്റെ പരാതി.
https://www.facebook.com/Malayalivartha