ബിഗ് സ്‌ക്രീനിൽ മാത്രമല്ല. മിനി സ്ക്രീനിലും പ്രേക്ഷകരുടെ ഇഷ്ട താരമാവാറുണ്ട് താരങ്ങൾ.  ആത്മസഖി സീരിയലിലെ സത്യനും നന്ദുവും മികച്ച ഉദാഹരണമാണ്. പ്രേക്ഷകരുടെ ഇഷ്ട്ട പ്രണയ ജോഡികളായിരുന്നു ഇവർ. എസിപി സത്യജിത്തിന്റെ നന്ദുവായിട്ടാണ് അവന്തിക സീരിയലിൽ അഭിനയിച്ചത്. വിവാഹത്തോടെ ഗർഭിണിയായ അവന്തിക സീരിയലിൽ നിന്ന് തൽക്കാലത്തേക്ക് മാറി നിൽക്കുകയായിരുന്നു. പിന്നീട് സീരിയൽ അവസാനിപ്പിക്കുകയായിരുന്നു. സീരിയൽ അവസാനിച്ചെങ്കിലും ഇപ്പോഴും പ്രേക്ഷകരുടെ ഇഷ്ട്ട താരജോഡികളാണ് ഇരുവരും. ആത്മസഖി സീരിയലിന് ശേഷം ഈ പ്രണയ ജോഡികൾ വീണ്ടും ഒന്നിക്കുകയാണ്. പ്രിയപ്പെട്ടവളെന്ന പുതിയ പരമ്പരയിലൂടെയാണ് ഇവർ എത്തുന്നത്.

സീരിയലിന്റെ പ്രമോ വീഡിയോ ഇതിനോടകം വൈറലായി കഴിഞ്ഞു. ഭാനുവും ഉമയുമായാണ് സീരിയലിൽ ഇവർ എത്തുന്നത്.  പ്രണയമല്ല ദാമ്പത്യമെന്ന തിരിച്ചറിവിന്റെ കഥയെന്ന ടാഗ് ലൈനാണ് സീരിയലിന് കൊടുത്തിരിക്കുന്നത്. ഇവര് കൂടാതെ രശ്മി, മങ്ക മഹേഷ്, ബോബന്‍ ആലംമൂടന്‍തുടങ്ങിയവരും സീരിയലിൽ അഭിനയിക്കുന്നുണ്ട്. നവംബര്‍ 11 നാണ് സീരിയല്‍ ആരഭിക്കുന്നത്. നന്ദുവിനെയും, സത്യനെയും ഏറ്റടുത്തത് പോലെ ഇവരെയും ഏറ്റെടുക്കുമെന്നുള്ള പ്രതീക്ഷയിലാണ് അണിയറക്കാർ.