മലയാള സിനിമയിലെ താരരാജാവിനോട് ആരാധന തോന്നാത്തവരായി ആരും തന്നെ കാണില്ല. നടനോടുള്ള ആരാധനയിൽ കത്ത് നൽകുന്നതും അവർക്ക് ഇഷ്ട്ടപെട്ട സമ്മാനങ്ങൾ നൽകുന്നതും പൊതുവെ കാണാറുണ്ട്. എന്നാൽ താൻ ഏറെ ആരാധിക്കുകയും ഇഷ്ടപ്പെടുകയും ചെയ്യുന്ന താരം നടന്നുപോയ വഴിയിലെ മണ്ണ് സൂക്ഷിച്ച ഒരു ആരാധകനുണ്ട്.

ഒപ്പം സിനിമയിൽ രാമച്ചാ യെന്ന് നീട്ടി വിളിക്കുന്ന മീനാക്ഷി അവതരിപ്പിച്ച നന്ദിനി കുട്ടിയെ ആരും മറക്കാനിടയില്ല. മീനാക്ഷിയുടെ അച്ഛനാണ് താര രാജാവിന്റെ ആരാധകൻ. ഒരു പ്രമുഖ മാധ്യമത്തിന് നൽകിയ അഭിമുഖത്തിലാണ് ആ തുറന്നുപറച്ചിൽ.

ചെറുപ്പം മുതലേ താരത്തിന്റെ വലിയ ആരധകനായിരുന്നു. എല്ലാ സിനിമകളും തീയേറ്ററിൽ പോയിരുന്നാണ് കണ്ടിരുന്നത്. ആ ആരാധന മുതിർന്നപ്പോൾ ഇരട്ടിയായി. കാർ വാങ്ങിച്ച സമയത്ത് മോഹൻലാലിന്റെ കാറിന്റെ നമ്പറായ 2255 തന്റെ കാറിനും നൽകി. താരം നടന്നുപോയ വഴിയിലെ മണ്ണ് പെട്ടിയിൽ വാങ്ങി സൂക്ഷിച്ചിരുന്നുവെന്ന് മീനാക്ഷിയുടെ അച്ഛൻ പറയുന്നു. ലാലേട്ടന്റെ വീടിനടുത്തുള്ള ഒരു ബന്ധു വാണത്രേ ഈ മണ്ണ് നൽകിയത്.