സംവിധായകന് പി ബാലചന്ദ്രകുമാര് അന്തരിച്ചു.... വൃക്ക രോഗത്തെ തുടര്ന്ന് ചികിത്സയിലായിരുന്നു
സംവിധായകന് പി ബാലചന്ദ്രകുമാര് അന്തരിച്ചു. വൃക്ക രോഗത്തെ തുടര്ന്ന് ചികിത്സയിലായിരുന്നു. ചെങ്ങന്നൂരിലെ കെ എം ചെറിയാന് ആശുപത്രിയിലായിരുന്നു അന്ത്യം.
നടിയെ ആക്രമിച്ച കേസിലെ പ്രധാന സാക്ഷിയാണ് ബാലചന്ദ്രകുമാര്. നടിയെ ആക്രമിച്ച കേസില് നിര്ണായകമായത് പി ബാലചന്ദ്രകുമാറിന്റെ വെളിപ്പെടുത്തലുകളാണ്.
വൃക്ക രോഗം ഗുരുതരമായതിനെ തുടര്ന്ന് ബാലചന്ദ്രകുമാറിന്റെ കുടുംബം വൃക്ക മാറ്റിവയ്ക്കല് ശസ്ത്രക്രിയയ്ക്ക് സാമ്പത്തിക സഹായം തേടിയിട്ടുണ്ടായിരുന്നു. വൃക്ക രോഗം കൂടാതെ ബാലചന്ദ്രകുമാറിന് തലച്ചോറില് അണുബാധയും സ്ഥിരീകരിച്ചിട്ടുണ്ടായിരുന്നു. കഴിഞ്ഞ മാസം അവസാനം മുതല് ആരോഗ്യനില ഗുരുതരമാകുകയായിരുന്നു. ആസിഫ് അലി നായകനായെത്തിയ കൗബോയ് എന്ന ചിത്രത്തിന്റെ സംവിധായകനാണ് ബാലചന്ദ്രകുമാര്. ദിലീപിനെ നായകനാക്കി പിക്ക് പോക്കറ്റ് എന്ന ചിത്രവും അദ്ദേഹം സംവിധാനം ചെയ്യാന് പദ്ധതിയിട്ടിരുന്നു.
നടിയെ ആക്രമിച്ച കേസില് ബാലചന്ദ്രകുമാറിന്റെ മൊഴിയാണ് രണ്ടാംഘട്ട അന്വേഷണത്തില് ഏറെ നിര്ണായകമായിരുന്നത്.
"
https://www.facebook.com/Malayalivartha
