സുഹൃത്തുക്കളോടൊപ്പമിരിക്കവേ കുഴഞ്ഞ് വീണു... ഹാസ്യനടനായ രാകേഷ് പൂജാരി അന്തരിച്ചു
കര്‍ണാടകയിലെ കാര്‍ക്കളയില്‍ ഒരു ചടങ്ങില്‍ പങ്കെടുക്കുന്നതിനിടെ ഉഡുപ്പി സ്വദേശിയായ രാകേഷിന് ഹൃദയാഘാതം സംഭവിച്ചതെന്ന് റിപ്പോര്‍ട്ടുകള്‍. കന്നഡ റിയാലിറ്റി ഷോയായ കോമഡി ഖിലാഡിഗലു-സീസണ്‍ 3 യുടെ ഭാഗമായ കലാകാരനും ഹാസ്യനടനുമായ രാകേഷ് പൂജാരി അന്തരിച്ചു. 33 വയസായിരുന്നു.
സുഹൃത്തുക്കള്‍ക്കൊപ്പം ഇരിക്കവേ അദ്ദേഹം കുഴഞ്ഞുവീണു. ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല. ചൈതന്യ കലാവിദാരു നാടക സംഘത്തിലൂടെയാണ് രാകേഷിന്റെ പെര്‍ഫോമിങ് ആര്‍ട്സ് ആരംഭിച്ചത്.
2014 ല്‍ ഒരു സ്വകാര്യ ചാനലില്‍ സംപ്രേഷണം ചെയ്ത തുളു റിയാലിറ്റി ഷോയായ കടലേ ബാജില്‍ വഴിയാണ് അദ്ദേഹം ആദ്യകാല അംഗീകാരം നേടിയത്. കോമഡി ഖിലാഡിഗലു എന്ന പരമ്പരയുടെ രണ്ടാം സീസണില്‍ പങ്കെടുത്തതിന് ശേഷമാണ് അദ്ദേഹം ശ്രദ്ധാകേന്ദ്രമായത്. ആ സീസണില്‍ അദ്ദേഹത്തിന്റെ ടീം രണ്ടാം സ്ഥാനം നേടുകയും ചെയ്തു
"
https://www.facebook.com/Malayalivartha
