തന്റെ ആദ്യ നിര്‍മ്മാണ സംരംഭമായ 'ശുഭം' റിലീസ് ചെയ്തതിന്റെ ആഘോഷത്തിലാണ് നടി സാമന്ത. 38 കാരിയായ അവര്‍ തന്റെ 'റൂമേഴ്‌സ് പങ്കാളിയായ' രാജ് ആന്‍ഡ് ഡികെയുടെ സംവിധായകന്‍ രാജ് നിദിമോരുവിനൊപ്പം പോസ് ചെയ്യുന്ന ഒരു കൂട്ടം ഫോട്ടോകള്‍ പങ്കിട്ടു. ഒരു ഫോട്ടോയില്‍, വിമാനത്തില്‍ രാജിന്റെ തോളില്‍ തല ചായ്ച്ച് ഇരിക്കുന്നതും കാണാം.

'ശുഭം' കാണുന്നതിനും ഞങ്ങളോടൊപ്പം ആഘോഷിക്കുന്നതിനും നന്ദി! ഞങ്ങളുടെ ആദ്യ ചുവടുവെപ്പ് - പുതിയതും പുതുമയുള്ളതുമായ കഥകള്‍ പ്രധാനമാണെന്ന വിശ്വാസവും കൊണ്ട് ഊര്‍ജിതമാക്കി! ഞങ്ങള്‍ @tralalamovingpictures ശുഭാമിനൊപ്പം, യാത്ര ആരംഭിച്ചു. എന്തൊരു തുടക്കം!' ഇന്‍സ്റ്റാഗ്രാമിലെ അവരുടെ പോസ്റ്റിന്റെ അടിക്കുറിപ്പ് ഇങ്ങനെയായിരുന്നു.

ഒരു വര്‍ഷത്തിലേറെയായി സാമന്തയും രാജും പ്രണയത്തിലാണെന്ന് അഭ്യൂഹങ്ങള്‍ പ്രചരിച്ചിരുന്നു. കഴിഞ്ഞ മാസം ഇരുവരും ഒരുമിച്ച് തിരുമല ക്ഷേത്രത്തില്‍ ദര്‍ശനം നടത്തിയതും ആരാധകരില്‍ അവരുടെ ബന്ധത്തെക്കുറിച്ച് കൂടുതല്‍ ജിജ്ഞാസ ഉണര്‍ത്തി.

നടിയുടെ പോസ്റ്റിന് ആരാധകരില്‍ നിന്ന് നിരവധി കമന്റുകള്‍ ലഭിച്ചു, 'സാമന്ത വിത്ത് രാജ് ' എന്ന് ഒരാള്‍ എഴുതി, മറ്റൊരാള്‍ 'അവളുടെ പ്രണയത്തിന്റെ കണ്‍ഫോര്‍മേഷന്‍ ' എന്ന് പറഞ്ഞു. 'ഇത് ഒഫീഷ്യല്‍, രാജും സാമും പ്രണയത്തിലാണ്' എന്ന് അവരുടെ ഇന്‍സ്റ്റാഗ്രാം പോസ്റ്റില്‍ മറ്റൊരു കമന്റ്. മറ്റൊരാള്‍ അവര്‍ക്കായി ഒരു പുതിയ പേര് കണ്ടുപിടിച്ചു, 'സാംരാജ് എന്നത് നിങ്ങള്‍ രണ്ടുപേര്‍ക്കും പുതിയ പേരാണ് (sic)' എന്ന് എഴുതി.