മലയാളികളുടെ പ്രിയ നടിയാണ് മഞ്ജു വാര്യര്‍. മോഹന്‍ലാല്‍, മമ്മൂട്ടി, സുരേഷ് ഗോപി, ജയറാം, ദിലീപ് തുടങ്ങിയ എല്ലാ പ്രമുഖ നടന്മാരുടെ കൂടെ നടി അഭിനയിച്ചിട്ടുണ്ട്. അഭിനയ ജീവിതത്തില്‍ നിന്നും ഇടവേളയെടുത്ത നടി പിന്നീട് 'ഹൗ ഓള്‍ഡ് ആര്‍ യു' എന്ന ചിത്രത്തിലൂടെ മികച്ച തിരിച്ചുവരവ് നടത്തിയിരുന്നു.

പിന്നീട് മികച്ച ഒരുപാട് സ്ത്രീപക്ഷ സിനിമകളുടെ ഭാഗമായ നടി മലയാളത്തില്‍ മാത്രമല്ല തമിഴിലും തന്റെ കഴിവ് തെളിയിച്ചു. അടുത്തിടെ ഒരു ഓണ്‍ലൈന്‍ മാദ്ധ്യമത്തിന് മഞ്ജു നല്‍കിയ അഭിമുഖമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. തന്റെ ഏറ്റവും വലിയ വിഷമത്തെ കുറിച്ചാണ് നടി സംസാരിച്ചത്. ആ വേദന ഇപ്പോഴും തന്റെ മനസില്‍ ഉണ്ടെന്ന് നടി വ്യക്തമാക്കി.

'ഓരോ നിമിഷവും അച്ഛന്‍ ഉള്ളിലുണ്ട്. എത്ര വര്‍ഷം കഴിഞ്ഞാലും ആ വേദനയുടെ അംശമൊന്നും കുറയാന്‍ പോവുന്നുമില്ല. അതെപ്പോഴുമുണ്ടാവും പക്ഷേ ജീവിതത്തില്‍ പിന്നെയും മുന്നോട്ട് പോയല്ലേ നിവൃത്തിയുള്ളൂ. വേറൊരാള്‍ക്കും ഒരിക്കലും ആ വേദന കുറയ്ക്കാന്‍ പറ്റില്ല. നമ്മള്‍ തന്നെ അതിനെ നേരിട്ട് കൈകാര്യം ചെയ്യുകയേ വഴിയുള്ളൂ', മഞ്ജുവാര്യര്‍ പറഞ്ഞു.