ദുബയിലെ റേഡിയോ ജോക്കി ജോലിയില്‍ നിന്ന് തല്‍ക്കാലം അവധിയെടുത്ത് മീരാനന്ദന്‍ ക്ലാസ് റൂമിലേക്ക്. ഇക്കുറി വിദ്യാര്‍ത്ഥിയായല്ല, അദ്ധ്യാപികയായി. ഗോള്‍ഡ് കോയിന്‍, അങ്ങനെ തന്നെ നേതാവേ, അഞ്ചെട്ടണ്ണം പിന്നാലേ എന്നീ ചിത്രങ്ങളിലാണ് താരം ടീച്ചറുടെ കുപ്പായം അണിയുന്നത്. സിനിമകളില്‍ ടൈപ്പ് ചെയ്യപ്പെട്ടതോടെയാണ് താരം ദുബയിലേക്ക് പറന്നത്. അവിടെ റെഡ് എഫ്.എമ്മില്‍ ജോലി നോക്കുകയാണ്. നേര്‍മുഖം എന്ന തമിഴ് സിനിമയിലും അഭിനയിക്കുന്നുണ്ട്. 

ഗോള്‍ഡ് കോയിന്‍ കുട്ടികളുടെ ചലച്ചിത്രമാണ്. അറുപത്തഞ്ചോളം കുട്ടികളോടൊപ്പമാണ് മീര അഭിനയിക്കുന്നത്. രണ്ടാമത്തെ ചിത്രത്തിലെ അധ്യാപിക വേഷം അതില്‍ നിന്ന് വ്യത്യസ്തമാണ്. നരേന്‍ ഇടവേളയ്ക്ക് ശേഷം തിരിച്ച് വരുന്ന സിനിമ കൂടിയാണ്. ദുബയില്‍ ജോലിയുടെ മാത്രമല്ല ഒരു സാധാരണ പെണ്‍കുട്ടിയുടെ എല്ലാ തിരക്കുകളും മീരയ്ക്കുണ്ട്. വീട്ടിലെ കാര്യങ്ങള്‍ നോക്കുന്നത് ഉള്‍പ്പെടെ താരമാണ്. ഇടയ്ക്കിടെ കൊച്ചിയിലെത്തി വീട്ടുകാരെ കാണും. അത് കാരണം പലരും കരുതിയിരിക്കുന്നത് താരം ജോലി ഉപേക്ഷിച്ചെന്നാണ്. 

അതേസമയം ജോലി ഉപേക്ഷിച്ച് സ്ഥിരമായി കൊച്ചിയില്‍ വന്ന് നില്‍ക്കുന്നതിനെ കുറിച്ച് തല്‍ക്കാലം ആലോചിച്ചിട്ടില്ലെന്ന് മീര പറഞ്ഞു. ജോലി ചെയ്യുന്നതിനാല്‍ സിനിമകള്‍ സെലക്ടീവായേ അഭിനയിക്കൂ. തമിഴിലേത് സൈക്കോ ത്രില്ലറാണ്. ഇതുവരെ എല്ലാ ഭാഷകളിലും ഉള്ള സിനിമകളില്‍ ചെയ്ത വേഷങ്ങളില്‍ നിന്ന് ഏറെ വ്യത്യസ്തമായ കഥാപാത്രവും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha