നടന്‍ അല്ലു അര്‍ജുന്റെ സഹോദരന്‍ അല്ലു സിരീഷ് വിവാഹിതനാകുന്നു
നടന്‍ അല്ലു അര്‍ജുന്റെ സഹോദരനും തെലുങ്ക് നടനുമായ അല്ലു സിരീഷ് വിവാഹിതനാകുന്നു. നയനിക റെഡ്ഡിയാണ് വധു. വെള്ളിയാഴ്ച ഹൈദരാബാദിലാണ് ചടങ്ങ് നടന്നത്. അല്ലു സിരീഷ് തന്നെയാണ് വിവാഹനിശ്ചയ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചത്. ഇരുവരും ഏറെക്കാലമായി പ്രണയത്തിലായിരുന്നു. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്.
അല്ലു അര്‍ജുന്‍, ചിരഞ്ജീവി, രാംചരണ്‍, ഉപാസന, വരുണ്‍ തേജ, ലാവണ്യ എന്നിവര്‍ ചടങ്ങില്‍ പങ്കെടുത്തു. മുത്തച്ഛന്‍ അല്ലു രാമലിംഗയ്യയുടെ ജന്മദിനത്തിലാണ് വിവാഹ നിശ്ചയം നടന്നത്. മലയാളത്തിലുള്‍പ്പെടെ അല്ലു സിരീഷ് അഭിനയിച്ചിട്ടുണ്ട്. മോഹന്‍ലാല്‍ നായകനായ മേജര്‍ രവി ചിത്രം '1971 ബിയോണ്ട് ബോര്‍ഡേഴ്‌സി'ല്‍ പ്രധാന വേഷം അഭിനയിച്ചു. ബാലതാരമായി സിനിമയിലെത്തിയ അല്ലു സിരിഷ് 2013ലാണ് ആദ്യ മുഴുനീള വേഷം അവതരിപ്പിക്കുന്നത്. പിന്നീട് നായകനായി നിരവധി തെലുങ്ക് സിനിമകളില്‍ അഭിനയിച്ചു. 'ബഡ്ഡി'യാണ് ഒടുവിലിറങ്ങിയ ചിത്രം.
https://www.facebook.com/Malayalivartha
