പ്രേമം നായിക മേരി (അനുപമ പരമേശ്വരന്‍) പൃഥ്വിരാജിന്റെ മകളായി. അടുത്തിടെ റിലീസായ ജയിംസ് ആന്റ് ആലീസ് എന്ന ചിത്രത്തിലാണ് പൃഥ്വിരാജുവിന്റെ മകളായി താരം ഒരു സീനില്‍ അഭിനയിച്ചത്. അത് വല്യ സന്തോഷമുള്ള കാര്യമായിരുന്നെന്ന് താരം പറഞ്ഞു. അനുപമ ഇപ്പോള്‍ ഗോവയിലാണ്. പ്രേമത്തിന്റെ റീമേക്കില്‍ അഭിനയിക്കുന്നു. നാഗ് ചൈതന്യയാണ് നിവിന്‍പോളിയുടെ വേഷം ചെയ്യുന്നത്. ശംഭുവും കോയയും ആരാണ് ചെയ്യുന്നതെന്ന് താരത്തിനറിയില്ല. സായി പല്ലവിയുടെ റോളില്‍ ശ്രുതി ഹാസനാണ് അഭിനയിക്കുന്നത്. മഡോണ സെയിം വേഷത്തില്‍ വരുന്നു. 

പക്ഷെ, ചിത്രത്തിന്റെ പേര് ഇതുവരെ തീരുമാനിച്ചിട്ടില്ല. മജ്‌നു എന്നായിരിക്കാന്‍ സാധ്യതയുണ്ട്. ചിലപ്പോള്‍ പ്രേമം എന്ന് തന്നെ ആയിരിക്കും എന്നും കേള്‍ക്കുന്നു. ഷൂട്ടിംഗിന്റെ തെരക്കായതിനാല്‍ ഇനി എന്ന് നാട്ടില്‍ വരുമെന്ന് താരത്തിനറിയില്ല. ഗോവയില്‍ കുറച്ച് ദിവസമുണ്ടാകും അത് കഴിഞ്ഞ് ഹൈദരാബാദിലേക്ക് പോകും. അ ... ആ  എന്ന സിനിമയില്‍ അഭിനയിക്കാന്‍. അനന്യയും നദിയാമൊയ്തുവും ഈ ചിത്രത്തില്‍ അഭിനയിക്കുന്നുണ്ട്. ചിത്രത്തിന്റെ വര്‍ക്ക് തീര്‍ന്നിട്ടേ നാട്ടില്‍ വരൂ...

മലയാളത്തില്‍ ഇതുവരെ മറ്റ് സിനിമകളൊന്നും കമ്മിറ്റ് ചെയ്തിട്ടില്ല. നിരവധി ഓഫറുകള്‍ വന്നിട്ടുണ്ട്. ജയിംസ് ആന്റ് ആലീസില്‍ ഗസ്റ്റ് വേഷമായിരുന്നെങ്കിലും പൃഥ്വിരാജിന്റെ മകളായി അഭിനയിക്കുക എന്നത് ഭാഗ്യമല്ലേ, അതുകൊണ്ടാണ് ചെയ്തത്. മൂന്നാറില്‍ ഒറ്റദിവസത്തെ ഷൂട്ടേ ഉണ്ടായിരുന്നുള്ളൂ. ശരിക്കും നല്ല രസമായിരുന്നു. തമിഴില്‍ നിന്ന് ചില ഓഫറുകള്‍ വന്നിട്ടുണ്ട്. എന്നാല്‍ ചെയ്തുകൊണ്ടിരിക്കുന്നവ തീര്‍ന്നിട്ടേ മറ്റ് കാര്യങ്ങള്‍ തീരുമാനിക്കൂ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha