വേര്‍പിരിഞ്ഞ താരജോടികള്‍ വീണ്ടും വിവാഹം കഴിക്കുമെന്ന വാര്‍ത്ത വ്യാജം. താനും പ്രിയദര്‍ശനും ഇനി ഒരിക്കലും ഒന്നിക്കില്ലെന്നും വീണ്ടും ഞങ്ങള്‍ തമ്മില്‍ വിവാഹം കഴിക്കും എന്ന വാര്‍ത്ത പച്ചക്കള്ളമാണെന്നും ലിസി പറയുന്നു. വിവാഹ മോചനത്തിന്റെ കാരണം തനിക്കും പ്രിയദര്‍ശനും കുട്ടികള്‍ക്കും അറിയാവുന്ന കാര്യമാണ്. താനും പ്രിയദര്‍ശനും പിരിയാനുണ്ടായ കാരണവും തങ്ങള്‍ വീണ്ടും ഒന്നുചേരുന്നതായുള്ള വാര്‍ത്തകളും കെട്ടിച്ചമച്ചതാണെന്നും ലിസി വ്യക്തമാക്കി. തന്റെ ഫേസ്ബുക്ക് പേജിലൂടെയാണ് ലിസി ഇത് സംബന്ധിച്ച വിശദീകരണം നല്കുന്നത്. 

ലിസിയും കുട്ടികളുമായി ഒരുമിച്ച് വീട്ടില്‍ താമസിക്കുന്ന ജീവിതമാണ് ആഗ്രഹിക്കുന്നതെന്നും ലിസി മടങ്ങിവന്നാല്‍ വിവാഹത്തിന് തയ്യാറാണെന്നും പ്രിയദര്‍ശന്‍ പറഞ്ഞിരുന്നു. ലിസിയെ താന്‍ ഒരിക്കലും വെറുക്കില്ലെന്നും ലിസിയെപ്പറ്റി ആരും മോശം ഇതുവരെ പറഞ്ഞിട്ടില്ലെന്നും പ്രിയദര്‍ശന്‍ പറഞ്ഞിരുന്നു. എന്നാല്‍ പ്രിയന്റെ മോഹങ്ങള്‍ നടക്കില്ലെന്നാണ് ലിസ്സിയുടെ ഇപ്പോഴത്തെ പോസ്റ്റ്. 'പ്രിയടര്‍ശനറിയാം എന്തിനാണ് വേര്‍പിരിഞ്ഞതെന്ന്. പ്രിയനുമായുള്ള ജീവിതം...നോ..നെവര്‍' എന്നാണ് ലിസി പോസ്റ്റ് ചെയ്തിരിക്കുന്നത്. 

പ്രിയദര്‍ശന്‍ലിസി വിവാഹമോചനത്തിന്റെ കാരണങ്ങള്‍ പലരീതിയിലാണ് സോഷ്യല്‍ മീഡിയകളില്‍ പ്രചരിച്ചത്. അതില്‍ ഒന്ന് ഒരു ജ്യോത്സ്യ പ്രവചനമാണ്. പ്രിയദര്‍ശന്റെ ജീവന്‍ രക്ഷിക്കുന്നതിനും കുടുംബത്തില്‍ ഐശ്വര്യം വര്‍ദ്ധിക്കുന്നതിനും പ്രിയദര്‍ശനും ലിസിയും തല്‍കാലം വേര്‍പിരിയണമെന്നും രണ്ടുവര്‍ഷം കഴിഞ്ഞ് ഇരുവരും വീണ്ടും വിവാഹിതരായി സന്തോഷത്തോടെ ജീവിക്കണമെന്നും പ്രമുഖനായ ഒരു ജ്യോത്സ്യന്‍ പറഞ്ഞതായി വാര്‍ത്തകള്‍ പ്രചരിച്ചിരുന്നു. എന്നാല്‍ ലിസിയുടെ ഫേസ്ബുക്ക് പോസ്‌റ്റോടെ കാര്യങ്ങള്‍ക്ക് ഒരു വ്യക്തത കൈവന്നിരിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha