അടുത്ത സുഹൃത്തുക്കളും നടന്‍മാരുമായ മമ്മൂട്ടിയുടെയും ഗണേഷിന്റെയും പിന്തുണയോടെ ദിലീപ് ഇടതുപക്ഷത്തേക്ക്. മുമ്പ്  രാഷ്ട്രീയ കാഴ്ചപ്പാട് വ്യക്തമാക്കാതിരുന്ന ദിലീപ് ഗണേഷന്‍ പത്തനാപുരത്ത് ഇത്തവണ മല്‍സരിച്ചതോടെയാണ് ഇടത്പക്ഷത്തേക്ക് കൂടുതല്‍ അടുത്തത്. ഗണേഷ് കുമാര്‍ യു.ഡി.എഫ് സ്ഥാനാര്‍ത്ഥിയായി മല്‍സരിച്ചപ്പോള്‍ പിന്തുണച്ചിരുന്നെങ്കിലും തന്റെ രാഷ്ട്രീയ കാഴ്ചപ്പാട് ദിലീപ് വ്യക്തമാക്കിയിരുന്നില്ല. രാഷ്ട്രീയ പാര്‍ട്ടികളുടെ പരാപാടികളിലും പങ്കെടുത്തിരുന്നില്ല. എന്നാല്‍ ഇത്തവണ മമ്മൂട്ടിയുടെയും ഇന്നസെന്റിന്റെയും നിലപാടുകള്‍ ദിലീപിനെ സ്വാധീനിച്ചു.

പിണറായി വിജയന്റെ പിറന്നാള്‍ പരിപാടിയിലും ദിലീപ് പങ്കെടുത്തു. പിണറായി കേക്ക് മുറിച്ച് നല്‍കുന്ന ചിത്രം ദിലീപ് തന്റെ ഫെയിസ്ബുക്ക് പേജില്‍ പോസ്റ്റ് ചെയ്തു. മമ്മൂട്ടിയോടൊപ്പമാണ് ദിലീപ് പിണറായിയെ കാണാനും ആശംസകള്‍ അറിയിക്കാനും എത്തിയത്. ഗണേഷ് കുമാറിന് വേണ്ടി പ്രചരണത്തിനിറങ്ങിയതിനെ തുടര്‍ന്ന് പിണറായി ദിലീപിനെ സത്യപ്രതിജ്ഞാ ചടങ്ങിലേക്ക് ക്ഷണിച്ചിരുന്നു. കൊല്ലത്ത് അടൂരിന്റെ പടത്തില്‍ അഭിനയിക്കുന്ന ദിലീപ് മമ്മൂട്ടിയുടെ കൂടെയാണ് സത്യപ്രതിജ്ഞാ ചടങ്ങിനെത്തിയത്.

ഇടത്പക്ഷം ഭരിക്കുമ്പോള്‍ അവരുമായി അടുക്കുന്നത് വ്യക്തിജീവിതത്തിലും കരിയറിലും തനിക്ക് ഗുണമാകുമെന്ന് ദിലീപ് വിശ്വസിക്കുന്നു. പിണറായിയുടെ സത്യപ്രതിജ്ഞാ ചടങ്ങില്‍ പങ്കെടുത്ത ശേഷം വിശദമായ ഫെയിസ്ബുക്ക് പോസ്റ്റാണ് താരം ഇട്ടത്. അടൂരിന്റെ സിനിമയില്‍ അഭിനയിക്കുന്ന ദിലീപിന് ഇടത്പക്ഷവുമായുള്ള ബന്ധം അവാര്‍ഡ് നിര്‍ണയത്തിലുള്‍പ്പെടെ ഗുണം ചെയ്യും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha