യാതൊരു പ്രകോപനവും കൂടാതെ തമിഴ് നടന്‍ സൂര്യ ചെറുപ്പക്കാരന്റെ കരണത്തടിച്ച സംഭവം വിവാദത്തിലായതിനു പിറകെ, സംഭവത്തില്‍ സൂര്യയെ പിന്തുണച്ചു കൊണ്ട് കാറോടിച്ചിരുന്ന യുവതി രംഗത്ത്. സ്ത്രീയുടെ കാര്‍ പെട്ടന്ന് ബ്രേക്കിട്ട് നിര്‍ത്തിയപ്പോള്‍ പിന്നില്‍ ബൈക്കില്‍ വന്ന ചെറുപ്പക്കാരുടെ ബൈക്ക് കാറില്‍ ഇടിച്ചു. കാറില്‍ നിന്നിറങ്ങി സ്ത്രീയും ചെറുപ്പക്കാരും വാഗ്വാദത്തില്‍ ഏര്‍പ്പെട്ടുകൊണ്ടിരിക്കെ ആ വഴി കാറില്‍ പോകുകയായിരുന്ന സൂര്യ ഇറങ്ങി വന്ന് കാര്യകാരണങ്ങള്‍ അന്വേഷിക്കാതെ ചെറുപ്പക്കാരനെ അടിച്ചു എന്നതായിരുന്നു വാര്‍ത്ത. ഇതിനെതിരെ പോലീസ് കേസെടുക്കാനും പ്രേം കുമാര്‍, ലെനിന്‍ എന്നീ വിദ്യാര്‍ഥികള്‍ ആവശ്യപ്പെട്ടിരുന്നു. 
എന്നാല്‍ കാറോടിച്ചിരുന്ന യുവതി ഈ വിഷയത്തില്‍ സൂര്യ ഇടപെട്ടതിനെ ന്യായീകരിച്ചു കൊണ്ട് രംഗത്തെത്തി. കാറില്‍ മുട്ടിയത്തിനു ശേഷം ആ കുട്ടികള്‍ തന്നോട് പണം ആവശ്യപെടുകയും ഇല്ലെങ്കില്‍ ഗ്ലാസ് തല്ലിപൊളിക്കുമെന്നും പറഞ്ഞു. സമയോജിതമായ ഇടപെടലിലൂടെ ആള്‍ക്കൂട്ടത്തില്‍ ഒറ്റയ്ക്കായി പോയ തന്നെ രക്ഷിക്കുകയാണ് സൂര്യ ചെയ്തത്. എനിക്ക് വേണ്ടി സംസാരിക്കാന്‍ ആരും ഉണ്ടായിരുന്നില്ല എന്നും പുഷ്പ കൃഷ്ണ സ്വാമി പറഞ്ഞു. സഹായിച്ചതിന് സൂര്യക്ക് നന്ദിയും അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha