മകന്റെ പിറന്നാളാഘോഷം കാന്സര് രോഗികളോടൊപ്പം; ആഡംബരം കാട്ടുന്ന താരങ്ങള്ക്ക് മാതൃകയായി നിവിന് പോളി
ആര്ഭാടങ്ങളും ആഘോഷങ്ങളും നിറഞ്ഞ ജീവിതമാണ് സിനിമാക്കാരുടേതെന്ന് പൊതുവേ പറയാറുണ്ട്. ചെറിയ പരിപാടികള്ക്ക് പോലും ലക്ഷങ്ങള് ചിലവിടുന്നവരാണ് ഇവരില് കൂടുതലും. മലയാളത്തിന്റെ യുവതാരം നിവിന് പോളിയുടെ മകന് ദാദ (ദാവീദ്)യുടെ നാലാം പിറന്നാള് ആയിരുന്നു ഇന്ന്. ആഘോഷങ്ങളോ താരപരിവേഷമോ ഒന്നുമില്ലാതെ നിവിന് മകന് ദാദയുടെ പിറന്നാള് ആഘോഷിച്ചത് തൃശൂര് മെഡിക്കല് കൊളേജില്.
പതിവ് പോലെ ദാദയെ സ്കൂളിലേക്ക് പറഞ്ഞയച്ച നിവിന് മെഡിക്കല് കൊളേജിലെ 350ഓളം വരുന്ന കാന്സര് രോഗികള്ക്ക് ഭക്ഷണം നല്കിയാണ് മകന്റെ പിറന്നാള് ആഘോഷിച്ചത്. നിവിന് ഭക്ഷണം വിളമ്പികൊടുക്കുകയും അവരോടൊപ്പം അല്പസമയം ചിലവഴിക്കുകയും ചെയ്തു. സിദ്ധാര്ത്ഥ് ശിവ സംവിധാനം ചെയ്യുന്ന പുതിയ സിനിമയുടെ ചിത്രീകരണത്തിനിടെയാണ് സമയം കണ്ടെത്തി പിറന്നാള് ആഘോഷം സംഘടിപ്പിച്ചത്.
സംവിധായകനായ സിദ്ധാര്ത്ഥ് ശിവ, ഛായാഗ്രാഹകന് ജോര്ജ് സി വില്യംസ്, നടിമാരായ ഗായത്രി സുരേഷ് , ഐശ്വര്യ രാജേഷ്,നടന് അല്ത്താഫ്, നിര്മാതാവ് ബി രാഗേഷ്, സത്യന് അന്തിക്കാട്, നിവിന്റെ അമ്മ, തൃശൂര് മെഡിക്കല് കൊളേജ് സൂപ്രണ്ട് എന്നിവരും സന്നിഹിതരായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
