ശരീരപ്രദര്ശനം നടത്താന് നിര്ബന്ധിക്കുന്നു
ചില സംവിധായകരുടെ കൊള്ളരുതായ്മയ്ക്കെതിരെ യുവനടി ആനന്ദി രംഗത്ത്. ചില തമിഴ് സംവിധായകര് ശരീരപ്രദര്ശനം നടത്താന് നിര്ബന്ധിക്കുകയാണെന്ന് ആനന്ദി ആരോപിച്ചു. തിരക്കഥയില് അവര് പറയുന്നതല്ല ചിത്രീകരണത്തിന് ചെല്ലുമ്പോള് നമ്മളോട് നിര്ദ്ദേശിക്കുന്നതെന്നും ആനന്ദി പറഞ്ഞു. കായല്, തൃഷ ഇല്ലാന നയന്താര തുടങ്ങിയ ചിത്രങ്ങളിലെ നായികയാണ് ആനന്ദി.
കരാര് ഒപ്പിട്ട് ലൊക്കേഷനില് എത്തുമ്പോള് തിരക്കഥയില് ഇല്ലാത്ത രംഗങ്ങള് അഭിനയിക്കാന് ആവശ്യപ്പെടുന്നുവെന്നാണ് നടിയുടെ പരാതി. ശരീരം പ്രദര്ശിപ്പിക്കുന്ന വസ്ത്രങ്ങള് ധരിക്കാന് സംവിധായകര് സമ്മര്ദ്ദം ചെലുത്തുന്നതായും നടി കുറ്റപ്പെടുത്തി. തന്റെ മുന് ചിത്രങ്ങളിലും സമാനമായ അനുഭവം നേരിടേണ്ടി വന്നതായി ആനന്ദി പറഞ്ഞു.
എന്റെ ശീരീരത്തെക്കുറിച്ച് എനിക്ക് നന്നായി അറിയാം ഗ്ലാമറസ് വേഷങ്ങള് ധരിക്കില്ലെന്ന് സിനിമയില് വരുന്നതിന് മുമ്പ് തന്നെ തീരുമാനിച്ചിരുന്നതായും ആനന്ദി കൂട്ടിച്ചേര്ത്തു. സാം ആന്റണ് സംവിധാനം ചെയ്യുന്ന എനക്കു ഇന്നൊരു പേര് ഇരുക്ക് എന്ന ചിത്രമാണ് ആനന്ദിയുടേതായി ഇനി പുറത്തിറങ്ങാനുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
