മലയാള സിനിമേക്കാള്‍ കംഫര്‍ട്ട് തെലുങ്കാണെന്ന് അനു ഇമ്മാനുവേല്‍. ആക്ഷന്‍ ഹീറോ ബിജുവില്‍ നിവിന്‍ പോളിയുടെ നായികയായാണ് സിനിമയിലെത്തിയത്. നല്ല സപ്പോര്‍ട്ടും ആറ്റിറ്റിയൂഡുമാണ് അവിടെ നിന്ന് ലഭിച്ചത്. ഭാഷ മാത്രമേ അവിടെ പ്രശ്‌നമായി തോന്നുന്നുള്ളൂ. അമേരിക്കയില്‍ വളരുകയും പഠിക്കുകയും ചെയ്തതിനാല്‍ തനിക്ക് മലയാളം സ്ഫുടമായി സംസാരിക്കാന്‍ അറിയില്ലെന്നും താരം പറഞ്ഞു. അപ്പോ തെലുങ്കിന്റെ കാര്യം പറയണോ. വാക്കുകളും വാചകങ്ങളും ഇംഗ്ലീഷിലെഴുതി കാണാതെ പഠിക്കുകയാണ് ചെയ്യുന്നത്. 

അനു നിവിന്‍ പോളിയുടെ വലിയ ഫാനാണ്. നിവിന്റെ സിനിമയില്‍ ഇത്ര പെട്ടെന്ന് അഭിനയിക്കാന്‍ കഴിയുമെന്ന് വിശ്വസിച്ചില്ലെന്നും താരം പറഞ്ഞു. തിരക്കഥ പൂര്‍ണമായും വായിച്ച ശേഷമേ സിനിമയില്‍ അഭിനയിക്കൂ. എത്ര നായികമാരുണ്ട്, തന്റെ കഥാപാത്രത്തിന്റെ പ്രാധാന്യം എന്താണ് തുടങ്ങിയ കാര്യങ്ങളൊക്കെ ശ്രദ്ധിക്കും. പല ഡയറക്‌ടേഴ്‌സും ചതിക്കാറുണ്ട്. അതുകൊണ്ട് അതുകൊണ്ട് എല്ലാം നോക്കിയേ ഒരു സിനിമ കമ്മിറ്റ് ചെയ്യാറുള്ളൂ. അസിനാണ് താരത്തിന്റെ ഇഷ്ട നടി. അസിന്റെ സിനിമകളെല്ലാം താരം കാണുമായിരുന്നു. 

തങ്കച്ചന്‍ ഇമ്മാനുവേല്‍ എന്ന നിര്‍മാതാവ് അനുവിന്റെ പിതാവാണ്. കഥ തുടരുന്നു, സ്വപ്‌നസഞ്ചാരി എന്നി ചിത്രങ്ങളാണ് നിര്‍മിച്ചത്. തമിഴില്‍ ജീവയുടെ നായികയായി അഭിനയിക്കാന്‍ അവസരം ലഭിച്ചിരുന്നു. ജീവ ഇഷ്ടനടനാണെങ്കിലും കഥ ഇഷ്ടപ്പെടാത്തതിനാല്‍ വേണ്ടെന്ന് വച്ചു. ഹിറ്റാകാന്‍ ഒരു ചാന്‍സും ഇല്ലാത്ത കഥയാണെന്നും താരം പറഞ്ഞു. മലയാള ചിത്രങ്ങളൊന്നും കമ്മിറ്റ് ചെയ്തിട്ടില്ലെന്നും താരം പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha