ചാന്സ് ചോദിച്ച് വന്ന അമ്മയോടും മകളോടും പറഞ്ഞത്... ആദ്യം തുണിയഴിക്കണം, പിന്നെ ഞെട്ടിപ്പിക്കുന്ന വെളിപ്പെടുത്തലുമായി പ്രശസ്ത സിനിമാ നിരൂപകന്
സിനിമ തലയ്ക്ക് പിടിച്ച് സിനിമാ ലോകത്തെത്തുന്ന സ്ത്രീകളുടെ അവസ്ഥ വിവരിക്കുകയാണ് പ്രശസ്ത സിനിമാ നിരൂപകനായ പല്ലിശ്ശേരി. സെപ്റ്റംബര് ലക്കം സിനിമാ മംഗളത്തില് മഞ്ജു വാര്യര് ആകണമെങ്കില്... എന്ന ലേഖനത്തിലാണ് പല്ലിശ്ശേരി ഇക്കാര്യം വ്യക്തമാക്കിയത്.
ആരെയും മതിമറന്നു സ്വപ്നം കാണാന് പ്രേരിപ്പിക്കുന്ന മായിക വലയമാണ് സിനിമ. ഏറെ പ്രതീക്ഷയോടെ ഒരു തവണയെങ്കിലും ആ ഗ്ലാമറിന്റെ ലോകത്ത് ഒന്ന് മുഖം കാണിക്കാന് കൊതിക്കാത്തവരുണ്ടാവില്ല. അങ്ങനെ വെള്ളിത്തിരയുടെ വെള്ളിവെളിച്ചത്തിനിടയില് വീണു പോയവര് എത്രയെത്ര.
ആഗ്രഹിച്ച കാര്യങ്ങള് എല്ലാം നേടിയെടുക്കാന് എല്ലാവര്ക്കും കഴിഞ്ഞെന്നു വരില്ല. എങ്കിലും മനുഷ്യന് പ്രയത്നം തുടര്ന്നു കൊണ്ടിരിക്കുന്നു. എല്ലാവര്ക്കും മഞ്ജു വാര്യറോ ശോഭനയും ഉര്വശിയുമൊന്നും ആകാന് കഴിയില്ല. പാതി വഴിയില് വീണു പോയവര് അനേകം.. നായിക ആകാന് വേണ്ടി സംവിധായകനോട് ചോദിച്ചപ്പോള്, ഒരു അമ്മയ്ക്കും മകള്ക്കും കിട്ടിയ മറുപടി ഇങ്ങനെയായിരുന്നു, എന്റെ സിനിമയിലൂടെ അഭിനയിക്കാന് വരുന്ന പുതുമുഖ നടിമാരെല്ലാം മഞ്ജു വാര്യരെ പോലെ പ്രശസ്ത ആകും. അതു കൊണ്ടു പൂര്ണ നഗ്നയായി നില്ക്കണം.
നടിയുടെ യോഗ്യത അളക്കുന്നതിനാണ് ഫീച്ചഴ്സ് കാണുന്നതു പോലും. ഇഷ്ടപ്പെട്ടാല് മാത്രമേ നായികയാക്കുകയുള്ളു. അങ്ങനെ പ്രാഥമിക റൗണ്ട് കഴിഞ്ഞാല് ഷൂട്ടിങ് തീരുന്നതു വരെ ഭാര്യയെ പോലെ പെരുമാറണം. അതിനൊക്കെ സമ്മതമാണെങ്കില് നായികയാക്കാം എന്നായിരുന്നത്ര, സംവിധായകന്റെ നിബന്ധനകള്. രണ്ടും സമ്മതമല്ലെന്ന് പറഞ്ഞപ്പോള് സംവിധായകന് അമ്മയേയും മകളേയും തിരിച്ചയക്കുകയും ചെയ്തത്രേ...
ഇരിക്കാന് പറഞ്ഞാല് കിടക്കാന് തയ്യാറുള്ളവരുടെ നാട്ടില് നിങ്ങളെ പോലുള്ളവര്ക്ക് അവസരം കിട്ടിയില്ലെങ്കില് അതിശയിക്കാനില്ലെന്നു പറഞ്ഞു സമാധാനിപ്പിക്കുകയാണ് പല്ലിശ്ശേരി ഒടുവില് ചെയ്തത്.
പാവം ആ അമ്മയും മകളും ഒരു പാട് ആഗ്രഹിച്ചാണ് എത്തിയത്. പക്ഷേ, അനുഭവം അവരെ പഠിപ്പിച്ചു. ഇതൊരു പക്ഷേ, കേവലം ഒരു അമ്മയ്ക്കും മകള്ക്കും മാത്രം സംഭവിച്ചതല്ല. പക്ഷേ, സാമൂഹിക ചുറ്റു പാടുകളുടെ വേലിക്കെട്ടുകള് ഭയന്നതു കൊണ്ടാവാം ആരും പുറത്തു പറയാത്തത്.
അതേസമയം എല്ലാവരും ഇങ്ങനെയാണെന്ന അഭിപ്രായവും ഇല്ല. നല്ല രിതിയില് സിനിമയെ കലയായും ജീവവായുവായും സ്നേഹിക്കുന്ന ആളുകള് നമുക്കിടയില് ഉണ്ട്.
https://www.facebook.com/Malayalivartha
