തൊണ്ണൂറുകളില്‍ ജനശ്രദ്ധ നേടിയ പ്രിയ നടിമാരെ കുറിച്ച് ചിലരെങ്കിലും ചിന്തിക്കുന്നുണ്ടാകും. എന്നാല്‍ അതില്‍ കുറച്ചുപേരൊക്കെ സിനിമയില്‍ ഇപ്പോഴും സജീവവുമാണ്. ഖുശ്ബു എന്ന നായിക ഏറെകാലമായി സിനിമയില്‍ ഇല്ലായിരുന്നു. പക്ഷേ ആ പ്രിയ നായിക ആറു വര്‍ഷത്തിന് ശേഷം വെള്ളിത്തിരയിലേക്ക് തിരിച്ചുവരുന്നതായാണ് വാര്‍ത്തകള്‍.

സംവിധായകന്‍ ജയിംസ് വസന്തന്‍ സംവിധാനം ചെയ്യുന്ന ചിത്രത്തിലൂടെയാണ് ഖുശ്ബുവിന്റെ തിരിച്ചുവരവ്. ജയിംസ് വസന്തന്‍ സംവിധാനം ചെയ്യുന്ന ചിത്രത്തില്‍ പഴയകാലത്തെ നാലു നായികമാരാണ് ഒരുമിക്കുന്നത്. മറ്റാരുമല്ല, ഖുശ്ബു, സുഹാസിനി, രാധിക, ഉറുവശി എന്നിവരാണ്. സൗഹൃദത്തെ കുറിച്ചാണ് ചിത്രം പറയുന്നത്.

ചിത്രത്തിന്റെ ഒദ്യോഗിക പ്രഖ്യാപനം ഇതുവരെ ഉണ്ടായിട്ടില്ല. ആദ്യമായാണ് ഇവര്‍ നാലു പേരും ഒരു ചിത്രത്തിനായി ഒരുമിക്കുന്നത്. മറ്റു പല താരങ്ങളുടെ സ്‌പെഷ്യല്‍ അപ്പിയറന്‍സും ഉള്‍പ്പെടുന്ന ചിത്രം ഒരു ഫണ്‍ എന്റര്‍ടെയ്‌നറായിരിക്കും എന്നാണ് അറിയുന്നത്. ഓസ്‌ട്രേലിയലിലാണ് ചിത്രീകരണം നടത്താന്‍ തീരുമാനിച്ചിരിക്കുന്നത്.