മഞ്ജു വാര്യര് തമിഴിലേക്ക്; നായകന് അരവിന്ദ് സ്വാമി
മഞ്ജു വാര്യര് തമിഴിലേക്ക് പോകുന്നതെന്ന വാര്ത്ത വീണ്ടും. അരവിന്ദ് സ്വാമിയുടെ നായികയായി മഞ്ജു തമിഴില് ഉടന് അരങ്ങേറുമെന്നാണ് വിവരം. മഞ്ജുവിനെ തമിഴില് അവതരിപ്പിക്കാന് മുമ്പും അനേകം ശ്രമങ്ങള് നടന്നിരുന്നെങ്കിലും ഒന്നും ശരിയായില്ല.
ഹൗ ഓള്ഡ് ആര് യൂ തമിഴില് 36 വയതിനിലെ ആയപ്പോഴാണ് മലയാളികള് ഇക്കാര്യം ആദ്യം കേട്ടത്. എന്നാല് നടി ജ്യോതികയുടെ ഗംഭീര തിരിച്ചുവരവായി സിനിമ മാറുകയായിരുന്നു.
ഇപ്പോള് ഈ ആശയം നടപ്പാക്കുന്നത് സംവിധായകന് രമണ ആണെന്നാണ് ശ്രുതി. മുമ്പ് വിജയ്യെ നായകനാക്കി തിരുമലൈയും ആദിയും ധനുഷിനെ നായകനാക്കി സുള്ളനും ചെയ്ത രമണ മുന്നോട്ട് വെച്ച പുതിയ സ്ക്രിപ്റ്റ് മഞ്ജുവിന് ഇഷ്ടമായെന്നാണ് തമിഴകത്തെ വര്ത്തമാനം.
തൊണ്ടയില് കാന്സര് ബാധിച്ചതിനെ തുടര്ന്ന് ദീര്ഘകാലമായി സിനിമയില് നിന്നും വിട്ടു നില്ക്കുകയായിരുന്ന സംവിധായകന് രമണ ചികിത്സയ്ക്കും പരിശീലനത്തിനും ശേഷമുള്ള മടങ്ങിവരവ് മഞ്ജുവിനെ നായികയാക്കിക്കൊണ്ടായിരിക്കും എന്നാണ് വാര്ത്ത.
വാനം എന്നായിരിക്കും സിനിമയൂടെ പേരെന്നും രമേശ് വിനായകമാകും സംഗീതം കൊടുക്കുന്നതെന്നും മാത്രമാണ് പുറത്തു വന്നിട്ടുള്ള വിവരം.
ദിലീപുമായുള്ള വിവാഹത്തെ തുടര്ന്ന് സിനിമ വിടുകയും വിവാഹമോചനത്തോടെ സിനിമയിലേക്ക് തിരിച്ചുവരികയും ചെയ്ത മഞ്ജുവിന് മലയാളത്തില് ഇപ്പോള് തിരക്കാണ്. റോഷന് ആന്ഡ്രൂസ് ഒരുക്കിയ ഹൗ ഓള്ഡ് ആര് യൂ എന്ന ചിത്രത്തിലൂടെ മലയാളത്തില സജീവമായിരിക്കുന്ന താരത്തെ അടുത്തു തന്നെ മറ്റ് തെന്നിന്ത്യന് ഭാഷകളിലും പ്രതീക്ഷിക്കാമെന്നതിന്റെ സൂചനയാണ് ഇത്.
https://www.facebook.com/Malayalivartha
