മോഹന്ലാലിന് തെലുങ്കില് വില കൂടുന്നു; ഒപ്പം തെലുങ്കില് ഡബ്ബ് ചെയ്യുന്നു
വിസ്മയത്തിനും ജനതാ ഗ്യാരേജിനും പിന്നാലെ മോഹന്ലാലിന്റെ ഒപ്പവും തെലുങ്കിലേക്ക്. തെലുങ്ക് ചിത്രങ്ങളായ വിസ്മയവും ജനതാ ഗ്യാരേജും വിജയമായതിന് പിന്നാലെയാണ് മലയാളത്തിലെ ഒപ്പം ഇനി തെലുങ്ക് പറയാന് തയ്യാറാകുന്നത്. വിസ്മയത്തിന്റെയും ജനതാഗ്യാരേജിന്റെയും മലയാളം കോഡയറക്ടറായ സിബി ജോസിന്റെ നേതൃത്വത്തില് ഹൈദരാബാദില് ഡബ്ബിംഗ് പുരോഗമിക്കുകയാണ്. ഏകദേശം അഞ്ച് കോടിയിലധികം രൂപയ്ക്കാണ് തെലുങ്ക് റൈറ്റ് നിര്മാതാവ് ആന്റണി പെരുമ്പാവൂര് വിറ്റതെന്ന് അറിയുന്നു. വിദേശങ്ങളിലടക്കം നല്ല കളക്ഷന് തേടി മുന്നേറുകയാണ് ഒപ്പം. അയര്ലണ്ടിനും ഓക്ലണ്ടിലും അടക്കം ചിത്രം പ്രദര്ശിപ്പിക്കുന്നു.
പുലിമുരുകന് എന്ന മാസ് മസാല ചിത്രവും തെലുങ്കില് ഇറക്കാനുള്ള നടപടികള് പുരോഗമിക്കുകയാണ്. മോഹന്ലാലിന്റെ മാസ് ഗെറ്റപ്പും ഫൈറ്റ് സീനുകളും തെലുങ്ക് പ്രേക്ഷകരെ ആവേശം കൊള്ളിക്കും എന്നതില് സംശയമില്ല. മാത്രമല്ല 20 കോടിയോളം മുതല്മുടക്കുള്ള പുലിമുരുകന് ലാഭമാവണമെങ്കില് തെലുങ്കില് നല്ല തുകയ്ക്ക് വിറ്റേ മതിയാവൂ. അതിന് മുന്നോടിയായാണ് മോഹന്ലാല് ഇടപെട്ട് ഒപ്പം തെലുങ്കില് ഇറക്കുന്നത്. റീമേക്ക് അവകാശം ചോദിച്ച് പലരും എത്തിയെങ്കിലും വിറ്റില്ല. അതേസമയം തമിഴിലും ഹിന്ദിയിലും ഒപ്പം റീമേക്ക് ചെയ്യാല് താല്പര്യപ്പെട്ട് പലരും സമീപിക്കുന്നുണ്ട്. കേരളത്തില് നിന്ന് മാത്രം പന്ത്രണ്ട് കോടിയിലധികമാണ് ഒപ്പം കളക്ട് ചെയ്തത്.
https://www.facebook.com/Malayalivartha
