ചിത്രീകരണത്തിനിടെ ബോളീവുഡ് താരസുന്ദരി പ്രിയങ്ക ചോപ്രയക്ക് അപകടം. ഹോളിവുഡ് പരമ്പരയായ ക്വാണ്ടിക്കോയുടെ ചിത്രികരണത്തിനിടയിലാണ് അപകടമുണ്ടായത്. ചിത്രത്തിലെ സംഘട്ടന രംഗത്തിനിടയില്‍ കാല്‍തെറ്റി തല നിലത്തടിച്ച് വീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചു.

നിസ്സാര പരിക്കുകളാണ് പ്രിയങ്കയ്ക്കുള്ളതെന്ന് ആശുപത്രി അധികൃതര്‍ അറിയിച്ചു. 34-കാരിയായ പ്രിയങ്കയ്ക്ക് വിശ്രമം ആവശ്യമാണെന്ന് ഡോക്ടര്‍മാര്‍ നിര്‍ദ്ദേശിച്ചു.

വെള്ളിയാഴ്ച നടന്ന ക്വാണ്ടിക്കോയുടെ അണിയറപ്രവര്‍ത്തകരുമായി നടത്തിയ പ്രസ് കോണ്‍ഫറന്‍സില്‍ പ്രിയങ്കയുടെ അസാന്നിദ്ധ്യം ചര്‍ച്ചയായിരുന്നു. ഇതിന്റെ ചിത്രീകരണത്തിനായി പ്രിയങ്ക ന്യൂയോര്‍ക്കിലേക്ക് താമസം മാറ്റിയിരുന്നു.ഞായറാഴ്ച്ച നടക്കുന്ന 74-ാമത് ഗോള്‍ഡന്‍ ഗ്ലോബ് അവാര്‍ഡുകള്‍ക്കും താരം പങ്കെടുക്കാനിരിക്കെയാണ് അപകടമുണ്ടായത്.