മലയാളി നടിമാര്‍ക്ക് ഭീഷണിയായി കീര്‍ത്തി സുരേഷ്
തമിഴ്‌നാട്ടില്‍ ഒറ്റ ദിവസം കൊണ്ട് ഭൈരവ 20 കോടി നേടിയപ്പോള്‍ ആത്മാര്‍ത്ഥമായി സന്തോഷിക്കുന്ന ഒരു സിനിമാ കുടുംബമുണ്ട്, കീര്‍ത്തി സുരേഷിന്റെ കുടുംബം. നിര്‍മ്മാതാവ് സുരേഷ്‌കുമാര്‍, മുന്‍ താരം മേനകാ സുരേഷ് എന്നിവര്‍ വളരെ സന്തോഷത്തിലാണ്. തങ്ങളുടെ മകളുടെ സിനിമാ ജീവിതത്തിലെ നിര്‍ണായക നിമിഷങ്ങളാണിത്.
കീര്‍ത്തിയുടെ വിജയം സ്‌കൂള്‍ തലം തൊട്ടേയുണ്ട്. തിരുവനന്തപുരത്ത് പട്ടത്തെ കേന്ദ്രിയ വിദ്യാലയത്തില്‍ നിന്നുമാണ് കീര്‍ത്തി പ്രാഥമികവിദ്യാഭ്യാസം നേടിയത്. സ്‌കൂളില്‍ വെച്ച് നിന്തല്‍ മത്സരത്തില്‍ ചാമ്പ്യന്‍ പട്ടം ലഭിച്ചിട്ടുണ്ട്. സ്‌കൂള്‍ വിദ്യാഭ്യാസത്തിനു ശേഷം ന്യൂ ഡല്‍ഹിയില്‍ പിയരെല്‍ അക്കാദമിയില്‍ നിന്നും ഫാഷന്‍ ഫാഷന്‍ ഡിസൈനിങ്ങില്‍ ബിരുദമെടുത്തു
.
2000ല്‍ ബാലതാരമായി രംഗത്തെത്തിയ കീര്‍ത്തി സുരേഷിന് നായികയായി നല്ലൊരു തുടക്കം കിട്ടിയിട്ടും ശോഭിച്ചിരുന്നില്ല. 2013ല്‍ പ്രിയദര്‍ശന്‍ മോഹന്‍ലാല്‍ കൂട്ടുകെട്ടില്‍ പിറന്ന ഗീതാഞ്ജലി എന്ന ചിത്രമാണ് നായികയായുള്ള കീര്‍ത്തിയുടെ ആദ്യ സിനിമ. സുരേഷ് കുമാറിന്റേയും മേനകയുടേയും മകള്‍ക്ക് അവരുടെ സുഹൃത്തായ പ്രിയദര്‍ശന്റേയും മോഹന്‍ലാലിന്റേയും കൂടെ മികച്ച അവസരം തേടിയെത്തിയത് ഒരു നിയോഗം പോലെയായിരുന്നു. 
പ്രിയദര്‍ശന്‍ മണിചിത്രത്താഴ് എന്ന സിനിമയുടെ രണ്ടാംഭാഗം എടുക്കാന്‍ തിരുമാനിച്ച സമയമായിരുന്നു അത്. ആ ചിത്രത്തിലേക്ക് ഡബിള്‍ റോള്‍ അഭിനയിക്കാന്‍ ഒരു നായികയെ വേണമെന്ന് പ്രിയന്‍ തന്റെ സുഹൃത്തായ സുരേഷ്‌കുമാറിനോട് പറഞ്ഞു. നമ്മുക്ക് കണ്ടുപിടിക്കാം എന്ന് സുരേഷ് കുമാര്‍ പറഞ്ഞു. അപ്പോള്‍ പ്രിയന്‍ പറഞ്ഞു നായിക ആയി തന്റെ മകളെ അഭിനയിച്ചു കൂടെ എന്ന്.
കീര്‍ത്തി പഠനം കഴിഞ്ഞു നില്‍ക്കുന്ന സമയമായതു കൊണ്ട് സുരേഷ്‌കുമാര്‍ അതിനു സമ്മതിച്ചു. അങ്ങനെ കീര്‍ത്തി നായികയായി.
അതിന് ശേഷം ദിലീപിന്റെ റിംഗ് മാസ്റ്ററില്‍ നായികയായി. അങ്ങനെ ബാലതാരമായി ദിലീപിനോടൊപ്പം അഭിനയിച്ച കീര്‍ത്തി ദിലീപിന്റെ നായികയായി വരുന്നതും മലയാള സിനിമ കണ്ടു. പക്ഷെ ഈ ചിത്രങ്ങളൊന്നും പ്രതീക്ഷിച്ച വിജയം നേടാതായതോടെ കീര്‍ത്തി തമിഴിലേക്ക് ചേക്കേറി. രണ്ടുമൂന്ന് തമിഴ് സിനിമകള്‍ ചെയ്തു എങ്കിലും ഹിറ്റ് മേക്കറിലേക്കെത്താന്‍ കഴിഞ്ഞില്ല.
അപ്പോഴാണ് വിജയുടെ ഭൈരവയുമായി അണിയറക്കാര്‍ എത്തിയത്. കേരളത്തിലുടനീളം ആരാധകരുള്ള വിജയുടെ സിനിമ കീര്‍ത്തിയുടെ കരിയറില്‍ വലിയ മാറ്റം ഉണ്ടാക്കുമെന്ന് സിനിമാക്കാരായ സുഹൃത്തുക്കള്‍ വിലയിരുത്തി. അങ്ങനെ കീര്‍ത്തി സുരേഷ് വിജയിന്റെ നായികയായി. പോസ്റ്ററുകളില്‍ കീര്‍ത്തിയുടെ വിജയിനോടൊപ്പമുള്ള കിടിലന്‍ ലുക്ക് ഏറെ ചര്‍ച്ചയായി.
സിനിമ പുറത്തിറങ്ങിയതോടെ തമിഴിലും മലയളാത്തിലും ഒരു പോലെ കളക്ഷന്‍ നേടി മുന്നേറുകയാണ് ഈ ചിത്രം. ഇതൊരു ഭാഗ്യമായാണ് ഇവര്‍ കരുതുന്നത്. സിനിമയെ ആത്മാര്‍ത്ഥമായി സ്‌നേഹിച്ച ഒരു കുടുംബത്തിന് ലഭിച്ച മികച്ച അംഗീകാരമാണ് ഈ വിജയം. കീര്‍ത്തി തെന്നിന്ത്യന്‍ സിനിമയില്‍ മികച്ച താരമൂല്യമുള്ള താരമായി മാറിക്കഴിഞ്ഞു. ഇത് മലയാളത്തില്‍ നിന്നും ചേക്കേറിയ നടിമാര്‍ക്ക് തീര്‍ച്ചയായും ഭീഷണി തന്നെയാണ്. മലയാള സിനിമയിലെ നായികമാര്‍ക്കും കീര്‍ത്തി ഭീഷണി തന്നെയാണ്. മികച്ച വേഷത്തിലൂടെ കീര്‍ത്തി ഉടന്‍ തിരിച്ചെത്തും. അതെ 24 വയസുള്ള കീര്‍ത്തിയുടെ രാജയോഗം ഇതാ തുടങ്ങിക്കഴിഞ്ഞു.
https://www.facebook.com/Malayalivartha
