വിവാഹം കഴിഞ്ഞ അഭിനേതാക്കളോട്, പ്രത്യേകിച്ച് നടിമാരോട് കല്യാണത്തിന് മുമ്പും ശേഷവും എന്തെന്ന് പലരും ചോദിക്കാറുണ്ട്, അത് അര്‍ത്ഥശൂന്യമായ ചോദ്യമാണെന്ന് നടി പത്മപ്രിയ. തനിക്ക് പ്രത്യേകിച്ച് വ്യത്യാസമൊന്നും തോന്നിയിട്ടില്ലെന്നും താരം വ്യക്തമാക്കി.

താനും ഭര്‍ത്താവും ഒരേ പോലെ ചിന്തിക്കുന്നവരാണ്. വിവാഹ ശേഷം അദ്ദേഹത്തിന്റെ പിന്തുണ കൂടിയിട്ടേ ഉള്ളൂ. വിവാഹത്തിന് മുമ്പും എനിക്ക് കുടുംബമുണ്ടായിരുന്നു. വിവാഹം കഴിഞ്ഞ് കുടുംബത്തില്‍ കൂറേ പേരൂടെ ഉണ്ടായി എന്നതാണ് വ്യത്യാസം. 

വിവാഹത്തിന് മുമ്പും കുടുംബത്തിന് വേണ്ടി സമയം ചെലവഴിച്ചിരുന്നു. ഉത്തരവാദിത്തങ്ങളുണ്ടായിരുന്നു. മറ്റേത് പ്രൊഫഷനും ഉള്ള മാറ്റങ്ങളേ നടിയെന്ന നിലയില്‍ തനിക്കും ഉണ്ടായിട്ടുള്ളൂ എന്ന് പത്മപ്രിയ പറയുന്നു.ഒരുപാട് ഉത്തരവാദിത്തങ്ങളുള്ള, യാത്രകള്‍ ഏറെ നടത്തേണ്ട ജോലിയാണ് മാധ്യമപ്രവര്‍ത്തകരുടേത്. ഈ രംഗത്ത് വനിതകളും ഏറെയാണ്. അവരുടെ വിവാഹ ശേഷം എന്തെങ്കിലും മാറ്റം സംഭവിക്കുന്നതായി എവിടെയും പറഞ്ഞ് കേട്ടിട്ടുമില്ല, എങ്ങും ചര്‍ച്ചയും നടക്കുന്നില്ല. അപ്പോള്‍ നടിമാരുടെ കാര്യം മാത്രം ഇങ്ങിനെ ഊതിപ്പെരുപ്പിക്കേണ്ട കാര്യമില്ല.പിന്നെ വിവാഹ ശേഷം അഭിനയം ഉപേക്ഷിക്കുന്ന നടിമാരുണ്ടാകും. അതൊക്കെ ഓരോരുത്തരുടെയും വ്യക്തിപരമായ കാര്യങ്ങളാണെന്നും താരം പറഞ്ഞു.