ബെംഗളൂരുവില്‍ പുതുവര്‍ഷാഘോഷത്തിനിടെ സംഭവിച്ച കാര്യങ്ങള്‍ അത്ര പെട്ടെന്ന് മറക്കാന്‍ നമുക്ക് കഴിയില്ല. ബോളിവുഡ് താരങ്ങളായ ആമിര്‍ ഖാനും അക്ഷയ് കുമാറും അനുഷ്‌ക ശര്‍മയും അടക്കമുള്ളവര്‍ ആ സംഭവത്തിനെതിരെ രംഗത്ത് വന്നിരുന്നു. ഒരു പടികൂടി കടന്നാണ് കിങ് ഖാന്‍ ഷാറൂഖിന്റെ പ്രതികരണം. സ്ത്രീകളെ ഉപദ്രവിച്ചു എന്ന് അറിഞ്ഞാല്‍ സ്വന്തം മക്കളുടെ കഴുത്തറുക്കും എന്നാണ് ഷാറൂഖ് പറഞ്ഞിരിക്കുന്നത്. ഫെമിനയ്ക്ക് നല്‍കിയ അഭിമുഖത്തിലാണ് ഷാറൂഖ് ഇക്കാര്യം പറഞ്ഞത്..രാജ്യത്തെ മാത്രമല്ല , ലോകത്തെ മൊത്തത്തില്‍ ഞെട്ടിച്ചതായിരുന്നു പുതുവര്‍ഷത്തില്‍ ബെംഗളൂരുവില്‍ സംഭവിച്ചത്. അതുമായി ബന്ധപ്പെട്ടാണ് ഷാറൂഖ് ഖാന്റെ പ്രതികരണം.

രണ്ട് ആണ്‍കുട്ടികളുടെ പിതാവാണ് ഷാറൂഖ് ഖാന്‍. ആര്യനും അബ്രാമും. ലോകത്ത് സ്ത്രീ പീഡനങ്ങള്‍ കൂടാന്‍ കാരണം പുരുഷന്‍മാര്‍ തന്നെ ആണല്ലോ. സ്ത്രീകളെ ഒരിക്കലും ഉപദ്രവിക്കരുതെന്ന് താന്‍ മക്കളായ ആര്യനും അബ്രാമനും ഉപദേശം നല്‍കിയിട്ടുണ്ടെന്നാണ് ഷാറൂഖ് പറയുന്നത്. അങ്ങനെ സംഭവിച്ചാല്‍ കഴുത്തറുക്കും എന്നാണത്രെ ഭീഷണിപ്പെടുത്തിയിട്ടുള്ളത്. സ്ത്രീകളെ ഒരിക്കലും ഉപദ്രവിക്കരുത്. പെണ്‍കുട്ടികള്‍ നിങ്ങളുടെ കൂട്ടുകാരികള്‍ മാത്രമല്ല. അവരെ ബഹുമാനിക്കണം ഷാറൂഖ് മക്കള്‍ക്ക് കൊടുത്ത ഉപദേശങ്ങളാണ് ഇതെല്ലാം.

രണ്ട് ആണ്‍കുട്ടികള്‍ മാത്രമല്ല, ഒരു പെണ്‍കുട്ടി കൂടിയുണ്ട് ഷാറൂഖ് ഖാന് സുഹാന. പെണ്‍കുട്ടിയുടെ പിതാവ് എന്ന ഉത്തരവാദിത്തവും ആ ഉപദേശങ്ങള്‍ക്ക് പിന്നിലുണ്ടെന്ന് കരുതാം. ഫെമിന മാഗസിന് നല്‍കിയ അഭിമുഖത്തിലാണ് ഷാറൂഖ് ഇക്കാര്യങ്ങള്‍ വെളിപ്പെടുത്തിയത്. ബെംഗളൂരു സംഭവങ്ങളുടെ പശ്ചാത്തലത്തിലായിരുന്നു ഷാറൂഖിന്റെ പ്രതികരണം.