സൂപ്പര് താരങ്ങള് ഒഴുക്കിനെതിരെ നീന്തുന്നു; ജെലിക്കെട്ടിനു വേണ്ടി മമ്മൂട്ടി
ഒഴുക്കിനെതിരെ നീന്തിയാല് മാത്രം മാധ്യമ ശ്രദ്ധ നേടാം എന്ന വാസ്തവം തിരിച്ചറിഞ്ഞ് സൂപ്പര് താരങ്ങളായ മമ്മൂട്ടിയും ലാലും. നെഗറ്റീവ് വാര്ത്തകളില് നിന്നും പോസിറ്റീവ് വാര്ത്തകള് സൃഷ്ടിക്കാന് ഇരുവരും പരിശ്രമിക്കുന്നു.
പത്രപ്രവര്ത്തനത്തിലെ ഒരു ബാലപാഠമുണ്ട്. പട്ടി മനുഷ്യനെ കടിച്ചാല് വാര്ത്തയല്ല. മനുഷ്യന് പട്ടിയെ കടിച്ചാലാണ് വാര്ത്ത.
മോഹന്ലാലാണ് നെഗറ്റീവ് വാര്ത്തകള് പോസിറ്റീവാക്കുന്ന സംഭവത്തിനു തുടക്കം കുറിച്ചത്. തന്റെ ബ്ലോഗിലാണ് അദ്ദേഹം ആദ്യത്തെ വെടി പൊട്ടിച്ചത്. ബീവറേജസില് ക്യൂ നില്ക്കാന് മടിയില്ലാത്ത മലയാളികള് എന്തുകൊണ്ട് എ.ടി.എമ്മിനു മുമ്പില് ക്യൂ നില്ക്കാന് മടിക്കുന്നു എന്നായിരുന്നു ചോദ്യം. നോട്ടു നിരോധനത്തിന്റെ സമയത്തായിരുന്നു അദ്ദേഹത്തിന്റെ പ്രസ്താവന. മോഹന്ലാല് ബി.ജെ.പിയില് ചേര്ന്നു എന്ന മട്ടില് പ്രചരണങ്ങളുണ്ടായി. എന്നാല് അത് ശരിയല്ലെന്നു കാലം തെളിയിച്ചു.
ഇപ്പോള് മമ്മുട്ടിയാണ് വാര്ത്തകളില് നിറയാന് ഒരു ഇടതു പക്ഷ ഡയലോഗടിച്ചത്. ജെല്ലിക്കെട്ട് സമരം മാതൃകാപരമാണെന്നായിരുന്നു അദ്ദേഹത്തിന്റെ പ്രസ്താവന. ജാതി, മത, രാഷ്ട്രീയ വ്യത്യാസങ്ങളില്ലാതെ നടന്ന സമരം മാതൃകാ പരമാണെന്നായിരുന്നു അദ്ദേഹത്തിന്റെ പ്രസ്താവന. വരിക്കാശേരി മനയില് നടന്ന ഒരു യോഗത്തിലായിരുന്നു അദ്ദേഹത്തിന്റെ പ്രസ്താവന. സമരം നടക്കുമ്പോള് വീട്ടിലിരിക്കുന്ന മലയാളികളെ അദ്ദേഹം കണക്കിന് പരിഹസിച്ചു. ആഴക്കടല് മത്സ്യ ബന്ധനവുമായി ബന്ധപ്പെട്ട് തൊഴിലാളികള് നടത്തിയ സമരത്തെ എതിര്ത്തവരാണ് മലയാളികള് എന്നും അദ്ദേഹം പറഞ്ഞു. മത്സ്യതൊഴിലാളികള് പിടിക്കുന്ന മത്സ്യം അവര് മാത്രമല്ല കഴിക്കുന്നതെന്നും അദ്ദേഹം പറഞ്ഞു.
ജെല്ലിക്കെട്ട് പൗരുഷത്തിന്റെയും ഹീറോയിസത്തിന്റെയും പ്രതീകമാണെന്ന് മമ്മൂട്ടി പറഞ്ഞു. ഞങ്ങളുടെ നാട്ടിന് പുറത്തുള്ളത് ഞങ്ങള്ക്കെന്ന ആഗോളീകരണത്തിനെതിരായ സമരമാണ് ഇതെന്നും മമ്മുട്ടി വിശേഷിപ്പിച്ചു. കുത്തക കമ്പനികള്ക്കെതിരെ തമിഴകത്ത് സമരങ്ങള് ആരംഭിക്കുമെന്നും അദ്ദേഹം പറഞ്ഞു.
ഇത്തരമൊരു പ്രസ്താവന പുറത്തിറക്കുന്നതിനു മുമ്പ് മമ്മൂട്ടി പാവം കാളകളെ ആലോചിച്ചതേയില്ല. കാരണം അദ്ദേഹം മ്യഗസ്നേഹിയല്ല. എന്നാല് ജെല്ലിക്കെട്ടിനിടയില് മരിച്ചുവീണ മനുഷ്യരെ അദ്ദേഹം ഓര്ത്തതേയില്ല.
https://www.facebook.com/Malayalivartha
