താര രാജാവ് മോഹന്‍ലാലിനോടുള്ള അമിത ആരാധനയെ കുറിച്ച് ഫാന്‍സ് പേജ് വഴി പലരും തുറന്ന് പറയാറുണ്ട്. അടുത്തിടെ 93.5 റെഡ് എഫ് എം റേഡിയോ നടത്തിയ 'മൈ ലൈഫ് മൈ വൈഫ്' കോണ്ടസ്റ്റില്‍ വിജയികളായ ദമ്പതികള്‍ക്ക് സമ്മാനം വിതരണം ചെയ്യാന്‍ മോഹന്‍ലാല്‍ അതിഥിയായി എത്തിയിരുന്നു.

ഏറ്റവും പുതിയ ചിത്രമായ മുന്തിരിവള്ളികളുടെ പ്രമോഷന്റെ ഭാഗമായാണ് കോണ്ടസ്റ്റ് നടത്തിയത്.

ചടങ്ങില്‍ വച്ച് ഒരു പെണ്‍കുട്ടി ലാലിനോടുള്ള തന്റെ ആരാധനയെ കുറിച്ച് തുറന്ന് പറഞ്ഞു. മോഹന്‍ലാലിനോടുള്ള കടുത്ത ആരാധനക്കൊണ്ട് തന്നെ 'ലാല്‍' എന്ന് പേരുള്ളയാള്‍ വിവാഹാലോചനയുമായി എത്തിയപ്പോള്‍ മറ്റൊന്നും ആലോചിക്കാതെ തന്നെ സമ്മതം മൂളുകയായിരുന്നുവെന്ന് പെണ്‍കുട്ടി പറഞ്ഞു.മോഹന്‍ലാലിന്റെ മുമ്പില്‍ വച്ചാണ് പെണ്‍കുട്ടി തന്റെ കടുത്ത ആരാധനയെ കുറിച്ച് തുറന്ന് പറഞ്ഞത്. അത് കേട്ട് മോഹന്‍ലാല്‍ ചിരിച്ചു. നിര്‍മ്മാതാവ് സോഫിയ പോള്‍, അനൂപ് മേനോന്‍, സിന്ധുരാജ്, നടി നേഹ സക്‌സേന തുടങ്ങിയവരും ചടങ്ങില്‍ പങ്കെടുത്തിരുന്നു.ജനുവരി 20-ന് തിയേറ്ററുകളില്‍ എത്തിയ മുന്തിരിവള്ളികള്‍ക്ക് ഏറ്റവും മികച്ച പ്രതികരണമാണ് ലഭിക്കുന്നത്. റിലീസ് ചെയ്ത ആദ്യ ദിവസം കേരളത്തിലെ 337 തിയേറ്ററുകളില്‍ നിന്ന് മാത്രമായി 3.9 കോടി ഇനീഷ്യല്‍ കളക്ഷന്‍ നേടി.