വിദ്യാബാലന് പകരം തബ്ബു ആമിയാകും
കമലിന്റെ ആമിയില്‍ നിന്ന് വിദ്യാബാലന് പിന്‍മാറിയതിന് പിന്നാലെ തബ്ബു നായികയാകുന്നു. കമലാദാസിന്റെ ജീവചരിത്രം പറയുന്ന ചിത്രത്തില്‍ നിന്ന് ഒരുമാസം മുമ്പാണ് പിന്‍മാറിയത്. തിരക്കഥയില്‍ തനിക്ക് ഇഷ്ടപ്പെടാത്ത ഭാഗങ്ങള്‍ വന്നതോടെയാണ് വിദ്യാബാലന് പിന്‍മാറിയതെന്ന് അറിയുന്നു. എന്നാല്‍ കമലുമായി തുടര്‍ന്നും സഹകരിക്കുമെന്നും അവര്‍ വ്യക്തമാക്കിയിരുന്നു. അതിന് പിന്നാലെയാണ് കമല്‍ തബ്ബുവിനെ സമീപിച്ചത്.
പ്രാധാന്യമേറിയ കഥാപാത്രങ്ങളെ വിജയകരമാക്കിയ ചരിത്രം തബുവിനുമുണ്ട്. കാലാപപ്പാനി, കവര്‍സ്‌റ്റോറി തുടങ്ങിയ മലയാളം ചിത്രങ്ങളില്‍ അഭിനയിച്ചിട്ടുമുണ്ട് തബ്ബു. നാല്‍പ്പത് കഴിഞ്ഞ തബ്ബുവിനെ കൊണ്ട് കമലാദാസിന്റെ യൗവനവും വാര്‍ദ്ധക്യവും നന്നായി ചെയ്യിക്കാനാകുമെന്ന് കമല്‍ വിശ്വസിക്കുന്നു.
ഹൈദര്‍, മക്ബൂല്‍, ചീനികം തുടങ്ങിയ നിരവധി ഹിന്ദി ചിത്രങ്ങളില്‍ കരുത്തുറ്റ കഥാപാത്രങ്ങളെ തബ്ബു അവതരിപ്പിച്ചിട്ടുണ്ട്. ഇതെല്ലാം കണക്കിലെടുത്താണ് കമല്‍ തന്റെ നായികയായി തബ്ബുവിനെ തന്നെ കാസ്റ്റ് ചെയ്തത്. മുംബയില്‍ അവരുമായി ആദ്യവട്ട ചര്‍ച്ചകള്‍ നടത്തിക്കഴിഞ്ഞു. വലിയ തിരക്കുകളില്ലെങ്കിലും കമ്മിറ്റ് ചെയ്ത ചില പ്രോജക്ടുകള്‍ തീര്‍ക്കേണ്ടതുണ്ട് തബ്ബുവിന്.
അതേസമയം 17 വര്‍ഷങ്ങള്‍ക്ക് ശേഷം തബ്ബു ഒരു കോമഡി ചിത്രത്തില്‍ അഭിനയിക്കുന്ന എന്ന വാര്‍ത്ത ബോളിവുഡില്‍ നിന്ന് വ്യക്തമായി. രോഹിത് ഷെട്ടിയുടെ ഗോല്‍മാല്‍ നാലിലാണ് താരം കോമഡി കഥാപാത്രമായി അഭിനയിക്കുന്നത്. പ്രിയദര്‍ശന്റെ ഹേരാഭേരിയിലാണ് തബ്ബു അവസാനം കോമഡി ചെയ്തത്. അജയ്‌ദേവ് ഗണ്‍ ആണ് നായകന്‍. പരിണീതി ചോപ്രയാണ് ഇക്കാര്യം ട്വിറ്ററിലൂടെ അറിയിച്ചത്.
https://www.facebook.com/Malayalivartha
