സ്വകാര്യമായി ഇഷ്ടപ്പെടുകയും അതോടൊപ്പം തള്ളിപ്പറയുകയും ചെയ്യുന്ന ശീലം മലയാളികള്‍ക്ക് പണ്ടേയുണ്ട്. അത് മാറ്റാനും കഴിയില്ല. എന്നാല്‍ അതിന് വിരുദ്ധമാണ് സണ്ണി ലിയോണിനോടുള്ള മലയാളികളുടെ ഇഷ്ടം. രാത്രിയുടെ രണ്ടാം യാമത്തില്‍ സ്വകാര്യമായി ആ സ്വപ്നസുന്ദരിയെ ആവാഹിക്കുന്നവരാണ് ബഹു ഭൂരിപക്ഷവും. അവരുടെ ശരീര വടിവുകളെല്ലാം മലയാളിക്ക് കാണാപ്പാടമാണ്. എന്നാല്‍ ഇതാരും പുറത്ത് പറയാറില്ല. എങ്കിലും സണ്ണി കേരളത്തില്‍ വന്നപ്പോള്‍ ഒരു മറയും കൂടാതെ അവര്‍ ഓടിയെത്തി. 

കഴിഞ്ഞ വരവില്‍ സണ്ണിയോട് മലയാളികള്‍ കാണിച്ച ആദരവില്‍ അവര്‍ വളരെ ആവേശത്തിലാണ്. പലതരം ആരാധകരെ കണ്ടെങ്കിലും അതില്‍ നിന്നെല്ലാം വിഭിന്നമാണത്രെ മലയാളികള്‍. എന്ത് ചുള്ളന്‍ പയ്യന്‍മാരാ തന്നെക്കാണാന്‍ തടിച്ച് കൂടിയത്. എന്നാല്‍ അവരാരും അതിര് വിട്ടതുമില്ല. അതുതന്നെയാണ് മലയാളികളെ എതിര്‍ത്തവര്‍ക്കെതിരെ സണ്ണി രംഗത്തെത്തിയതും. 

ഈ സമയത്താണ് മറ്റൊരു വാര്‍ത്തയും വരുന്നത്. സണ്ണി ലിയോണ്‍ കേരളത്തിന്റെ മരുമകളാകാന്‍ ഒരുങ്ങുന്നു എന്ന്. പ്രീമിയര്‍ ഫുട്‌സാല്‍ ലീഗില്‍ കേരളത്തിന്റെ ടീമായ കേരള കോബ്രാസിന്റെ സഹ ഉടമയും ബ്രാന്‍ഡ് അംബാസിഡറുമായാണ് താരത്തിന്റെ വരവ്. കൊച്ചി ആസ്ഥാനമായുള്ള ഫുട്‌സാല്‍ ഫ്രാഞ്ചൈസിയാണ് കേരള കോബ്രാസ്. സണ്ണി ലിയോണ്‍ ടീമിന്റെ സഹഉടമയായെന്ന് പ്രീമിയര്‍ ഫുട്‌സാലാണ് അറിയിച്ചത്. സെപ്റ്റംബര്‍ 15ന് മുംബൈയിലാണ് പ്രീമിയര്‍ ഫുട്‌സാലിന്റെ രണ്ടാം സീസണ്‍ തുടങ്ങുന്നത്.

സെപ്റ്റംബര്‍ 17 വരെയുള്ള മത്സരങ്ങള്‍ മുംബൈയിലുണ്ടാകും. രണ്ടാം റൗണ്ട് മത്സരങ്ങള്‍ 19 മുതല്‍ ബാംഗ്ലൂര്‍ കോറമംഗല ഇന്‍ഡോര്‍ സ്‌റ്റേഡിയത്തില്‍ നടക്കും. സെമി ഫൈനലും ഫൈനലും ദുബായില്‍ ആയിരിക്കും. ഒക്ടോബര്‍ ഒന്നിനാണ് ഫൈനല്‍. മൈതാനത്ത് വമ്പന്‍ താരങ്ങളും ഗ്യാലറിയില്‍ സണ്ണി ലിയോണും ഇത്തവണത്തെ പ്രീമിയര്‍ ഫുട്‌സാല്‍ കൊഴുപ്പിക്കാനെത്തും.

ഇതോടൊപ്പം സച്ചിനെപ്പോലെ കേരളത്തില്‍ താമസിച്ചാലെന്തെന്ന കാര്യവും സണ്ണി ലിയോണ്‍ ആലോചിക്കുന്നുണ്ട്. ദൈവത്തിന്റെ സ്വന്തം നാട്ടില്‍ ഒരു തുണ്ട് ഭൂമി എന്ന ആശയം സണ്ണി തന്റെ അടുപ്പക്കാരോട് പറഞ്ഞിട്ടുണ്ട്. അത് എന്ന് സാക്ഷാത്ക്കരിക്കുമെന്ന് കണ്ടറിഞ്ഞാല്‍ മതി.