ജാമ്യം ലഭിച്ചതോടെ കേസിന്റെ വിധിവരും വരെ നടന് ദിലീപ് സ്വതന്ത്രന്
ഹൈക്കോടതിയില് നിന്ന് ജാമ്യം ലഭിച്ചതോടെ കേസിന്റെ വിധിവരും വരെ നടന് ദിലീപ് സ്വതന്ത്രന്. കോടതി ആവശ്യപ്പെട്ടാല് മാത്രം താരം ഹാജരായാല് മതിയെന്ന് നിയമവിദഗ്ധര് ചൂണ്ടിക്കാട്ടുന്നു. നടിയെ ആക്രമിച്ച കേസില് താരത്തിന് നേരിട്ട് പങ്കില്ലാത്തതിനാലാണിത്. വിചാരണ സമയത്ത് ദിലീപിന് വേണ്ടി അഭിഭാഷകന് ഹാജരാകും.
അറിയപ്പെടുന്ന നടനായത് കൊണ്ട് തിരിച്ചറിയല് പരേഡിലും പങ്കെടുക്കേണ്ട. മാത്രമല്ല വാചാരണ സമയത്തെല്ലാം ദിലീപിനെ കോടതിയിലേക്ക് വിളിച്ച് വരുത്തിയാല് സുരക്ഷാപ്രശ്നങ്ങളക്കം ഉണ്ടാകും. അതിനാല് കോടതിയില് നേരിട്ട് ഹാജരാകേണ്ടി വരില്ലെന്നും നിയമവിദഗ്ധര്.
കുറ്റപത്രം സമര്പ്പിക്കുമ്പോള് ജാമ്യം ലഭിച്ചില്ലെങ്കില്, രണ്ട് വര്ഷത്തില് കൂടുതല് ശിക്ഷ ലഭിക്കാവുന്ന കുറ്റങ്ങളാണെങ്കില് ജയിലില് കിടന്ന് വിചാരണ നേരിടണം എന്നാണ് നിയമം. എന്നാല് കുറ്റപത്രം സമര്പ്പിക്കും മുമ്പ് ജാമ്യം ലഭിച്ചത് താരത്തിന് വലിയ ആശ്വാസമാണ്.
ദിലീപ് അറസ്റ്റിലായതിനെ തുടര്ന്ന് പാതിവഴിയില് നിന്ന രണ്ട് പ്രോജക്ടുകളുടെ അണിയറ പ്രവര്ത്തകര് വലിയ സന്തോഷത്തിലാണ്. ക്യാമറാമാന് രാമചന്ദ്രബാബു സംവിധാനം ചെയ്യുന്ന പ്രൊഫ. ഡിങ്കനും നവാഗതനായ രതീഷ് അമ്പാട്ട് സംവിധാനം ചെയ്യുന്ന കമാരസംഭവം എന്നീ ചിത്രങ്ങളാണ് മുടങ്ങിയിരുന്നത്. അതിന് പുറമേ അഡ്വാന്സ് വാങ്ങിയ നിരവധി പ്രൊജക്ടുകളുമുണ്ട്.
https://www.facebook.com/Malayalivartha
