ജയസൂര്യയെ നായകനാക്കി രഞ്ജിത്ത് ശങ്കര്‍ സംവിധാനം ചെയ്യുന്ന ചിത്രമാണ് 'ഞാൻ മേരിക്കുട്ടി'. മലയാളത്തിലെ ഹിറ്റ് കൂട്ടുകെട്ടാണ് ജയസൂര്യയും സംവിധായകൻ രഞ്ജിത് ശങ്കറും. ഒട്ടേറെ പ്രത്യേകതയുള്ള ഒരു മേരിക്കുട്ടിയുടെ കഥയുമായാണ് ഇത്തവണ ഇരുവരുടെയും വരവ്. കഴിഞ്ഞ ദിവസം ജയസൂര്യ തന്റെ ഔദ്യോഗിക ഫേസ്ബുക്ക് പേജിൽ ചിത്രത്തിന്റെ ഫസ്റ്റ് ലുക്ക്‌ ടീസര്‍ പങ്കുവച്ചിരുന്നു. ടീസറിനു മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.

വ്യത്യസ്തമായ കഥാപാത്രങ്ങളെ അവതരിപ്പിച്ചുക്കൊണ്ട് ആരാധകശ്രദ്ധ പിടിച്ചുപറ്റിയ നടനാണ് ജയസൂര്യ. ഈ നടൻ ഏത് കഥാപാത്രം ചെയ്താലും ജീവിക്കുന്നത് പോലെ തോന്നും. പുതിയ നൂറ്റാണ്ടിന്റെ ആരംഭത്തിൽ മലയാള സിനിമയിൽ രംഗപ്രവേശം ചെയ്ത യുവതാരങ്ങളിൽ ഭൂരിഭാഗം താരങ്ങളും പരാജിതരായിട്ടും അഭിനയ മികവുകൊണ്ട് ജയസൂര്യ തന്റേതായ സ്ഥാനം ഉറപ്പിച്ച നടനാണ് അദ്ദേഹം.

നായക കഥാപാത്രത്തെ മാത്രമെ അവതരിപ്പിക്കൂ എന്ന പിടിവാശിയില്ലാത്തതും നർമരംഗങ്ങളിലെ മികവുമാണ് ജയസൂര്യ എന്ന നടന്റെ വളർച്ചക്ക് സഹായകമായ ഘടകമായത്‌. പിന്നീട് വ്യത്യാസമായ കഥാപാത്രങ്ങളെ അവതരിപ്പിച്ചുക്കൊണ്ട് മലയാളിപ്രേക്ഷകരുടെ മനം കവർന്നു. പുണ്യാളൻ അഗർബത്തീസ്, ആട് ഒരു ഭീകരജീവിയാണ് തുടങ്ങിയവയാണ് ജയസൂര്യയ്ക്ക് കൂടുതൽ ആരാധകരെ നേടിക്കൊടുത്ത ചിത്രങ്ങൾ. ഏറ്റവും ഒടുവിൽ അഭിനയിച്ച വി. പി സത്യന്റെ ജീവിതം പറയുന്ന ക്യാപ്​റ്റൻ ചിത്രത്തിൽ ജയസൂര്യക്ക് മികച്ച പ്രതികരണം ലഭിച്ചിരുന്നു. നിരവധിപ്പേർ നടനെ പ്രശംസിച്ച് രംഗത്തെത്തിയിരുന്നു.