ഇത്തവണ മാതൃ ദിനത്തിൽ ഏറെ ശ്രദ്ധനേടിയ അമ്മമകൾ ജോഡികളായിരുന്നു ബോളിവുഡ് താരവും മുന്‍ ലോകസുന്ദരിയുമായിരുന്ന ഐശ്വര്യറായ് ബച്ചനും മകള്‍ ആരാധ്യയും. സോഷ്യല്‍ മീഡിയയില്‍ ഏറ്റവും ചര്‍ച്ചയായ ചിത്രം മാതൃ ദിനത്തോടനുബന്ധിച്ച്‌ ഐശ്വര്യ ആരാധ്യയുടെ ചുണ്ടില്‍ ഉമ്മ നല്‍കുന്ന ചിത്രമായിരുന്നു.

ഈ ലോകത്തിലെ ഏറ്റവും സന്തുഷ്ടയായ അമ്മ താനാണെന്ന അടിക്കുറിപ്പോടെയാണ് ഐശ്വര്യ ചിത്രം ഇന്‍സ്റ്റഗ്രാമില്‍ പങ്കുവെച്ചിരുന്നു. ഈ ചിത്രം വലിയ വിവാദത്തിലേയ്ക്ക് നീങ്ങിയിരിക്കുകയാണ്. ഐശ്വര്യയെ അനുകൂലിച്ചും വിമര്‍ശിച്ചും നിരവധി പേര്‍ രംഗത്തെത്തിയിട്ടുണ്ട്. മകളുടെ ചുണ്ടുകളില്‍ ഉമ്മവെച്ചത് ശരിയായില്ലെന്നാണ് പലരുടെയും അഭിപ്രായം. അ‍ഞ്ചോ ആറോ വയസുമാത്രമുള്ള മകളുടെ ചുണ്ടുകളില്‍ ചുംബിക്കുന്നത് ശരിയല്ലെന്നാണ് ഒരാളുടെ കമന്റ്. അന്യന്റെ ക്യാമറയ്ക്ക് മുന്നില്‍ ഫോട്ടോയ്ക്ക് പോസ് ചെയ്യുന്നത് ഒട്ടും ശരിയല്ലെന്നും മകളെ ഫേക്കായി വളര്‍ത്തുകയാണെന്നും മറ്റൊരാള്‍ പറഞ്ഞു.

എന്നാല്‍ ഇത്തരത്തിലുളള മോശം കമന്റ് പറ‍ഞ്ഞവര്‍ക്കെതിരെ ഒരു വിഭാഗം ആളുകള്‍ രംഗത്തെത്തിയിട്ടുണ്ട്. ഐശ്വര്യയുടേയും ആരാധ്യയുടേയും ചിത്രം കണ്ടിട്ട് മോശമായ കമന്റു പറഞ്ഞവര്‍ മനുഷ്യരല്ല. ഈ ചിത്രം കണ്ടിട്ട് മറ്റൊന്നും തോന്നുന്നില്ല. ചിത്രം കാണുമ്പോള്‍ അമ്മയും മകളും തമ്മിലുള്ള നിഷ്കളങ്കമായ ബന്ധമായ ദൃശ്യമാകുന്നതെന്ന് ഒരു കൂട്ടര്‍ അഭിപ്രായപ്പെട്ടു.

ഇത്തവണ കാനില്‍ തിളങ്ങിയത് ബോളിവുഡ് താരവും മുന്‍ ലോക സുന്ദരിയുമായിരുന്ന ഐശ്വര്യ റായും മകള്‍ ആരാധ്യയുമായിരുന്നു. കാനില്‍ എത്തിയ മറ്റ് സെലിബ്രികളേക്കാലും ക്യാമറ കണ്ണുകള്‍ ഒപ്പിയെടുത്തത് ആരധ്യയേയും ഐശ്വര്യയുമായിരുന്നു.