ഏറ്റവും മോശമായ ആംഗിളില്‍ ചിത്രമെടുക്കാന്‍ പരിശ്രമിച്ചവരോട് നന്ദി ,എന്നാലല്ലേ അപകടത്തിന് ഭീകരത കൈവരുള്ളൂ....; എന്നെ വിളിച്ച്‌ ജീവിച്ചിരിപ്പുണ്ടോ എന്ന് പോലും അന്വേഷിച്ചില്ല; സംഭവിച്ചത് തുറന്നുപറഞ്ഞ് സിത്താര
ഗായിക സിത്താര കൃഷ്ണകുമാര്‍ സഞ്ചരിച്ചിരുന്ന വാഹനം അപകടത്തില്‍പെട്ടുവെന്ന വാര്‍ത്തകള്‍ക്ക് പിന്നാലെ ഫേസ്ബുക്ക് പോസ്റ്റിലൂടെ പ്രതികരിച്ച്‌ ഗായിക. തൃശ്ശൂര്‍ പൂങ്കുന്നത്ത് വച്ചാണ് സിത്താരയുടെ കാര്‍ അപകടത്തില്‍പെട്ടത്. ഇതേ തുടര്‍ന്ന സാമുഹ്യമാധ്യമങ്ങളില്‍ കാറിന്‌റെ ചിത്രം സഹിതം പ്രചരിച്ചിരുന്നു. എന്നാല്‍ താനിക്കൊന്നും സംഭവിച്ചില്ലെന്നും താന്‍ സുരക്ഷിതയാണെന്നും സിത്താര ഫേസ്ബുക്കിലൂടെ അറിയിച്ചു. എന്നാല്‍ വാര്‍ത്ത പ്രചരിച്ച ഉടന്‍ താന്‍ ജീവിച്ചിരിപ്പുണ്ടോ എന്ന് അന്വേഷിക്കാതെ അപകടത്തിന്‌റെ ഭീകരത വെളിവാക്കും വിധമുള്ള ചിത്രങ്ങല്‍ പകര്‍ത്തിയവരെ സിത്താര വിമര്‍ശിച്ചു.
സിത്താരയുടെ ഫേസ്ബുക്ക് പോസ്റ്റിന്‌റെ പൂര്‍ണരൂപം
ദൈവാനുഗ്രഹം കൊണ്ട് ആര്‍ക്കും ഒന്ന് സംഭവിച്ചില്ല. എതിര്‍വശത്തുകൂടി വന്ന ബസിനെ ഒരു ബൈക്ക് ഓവര്‍ടേക്ക് ചെയ്തതിനാല്‍ എനിക്ക് പെട്ടെന്ന് ലെഫ്റ്റ് ടേണ്‍ എടുക്കേണ്ടി വന്നു. ഇടുങ്ങിയ റോഡ് ആയതിനാല്‍ കാര്‍ അവിടെയുണ്ടായിരുന്ന ടെലിഫോണ്‍ പോസ്റ്റിന് സമീപത്തെ കോണ്‍ക്രീറ്റ് തൂണില്‍ ഇടിക്കുകയായിരുന്നു.
ഏറ്റവും മോശമായ ആംഗിളില്‍ ചിത്രമെടുക്കാന്‍ പരിശ്രമിച്ചവരോട് നന്ദി. കാരണം എന്നാലല്ലേ അപകടത്തിന് ഭീകരത കൈവരുള്ളൂ..എന്നെ വിളിച്ചു ഞാന്‍ ജീവിച്ചിരിപ്പുണ്ടോ എന്ന് അന്വേഷിക്കാതെ വാര്‍ത്തകള്‍ പ്രസിദ്ധീകരിച്ച ഓണ്‍ലൈന്‍ മാധ്യമങ്ങള്‍ക്കും നന്ദി. ഈ ലോകം എത്ര വിചിത്രമാണ്. ആത്മാര്‍ത്ഥമായി ഉത്കണ്ഠ പ്രകടിപ്പിച്ച എല്ലാവര്‍ക്കും നന്ദി… സിതാര കുറിച്ചു
https://www.facebook.com/Malayalivartha
