പുതുമുഖ നടി ധന്യയ്ക്ക് ആരാധകന്റെ വധഭീഷണി. സിനിമയില്‍ നഗ്‌നയായി അഭിനയിച്ചുവെന്നാരോപിച്ചാണ് നടി ധന്യ എന്ന റഫിയ ബാനുവിന് നേരെ അഞ്ജാതനായ ആരാധകന്‍ ഫോണിലൂടെ വധഭീഷണി മുഴക്കിയത്. മെയ് 14 ന് തന്നെ വധിക്കുമെന്ന് ഭീഷണിപ്പെടുത്തി ഫോണ്‍ കോളുകള്‍ വന്നതായി ധന്യ ചെന്നൈ സിറ്റി പോലീസിന് നല്‍കിയ പരാതിയില്‍ പറയുന്നു.

18.5.2009 എന്ന ചിത്രത്തിലാണ് നടി നഗ്‌നയായി അഭിനയിച്ചത്. തമിഴ് പുലികളുടെ സംഘടനയായ എല്‍.ടി.ടി.ഇയെ ആസ്പദമാക്കിയാണ് ചിത്രം ഒരുക്കിയത്. അതേ പശ്ചാത്തലത്തില്‍ ഒരുക്കിയ 'പോര്‍ക്കളത്തില്‍ പൂ' എന്ന സിനിമയില്‍ ധന്യ വേഷമിട്ടിട്ടുണ്ട്.

വടപളനിയിലെ ധന്യയുടെ വാടക വീട്ടിലെ ലാന്റ് ഫോണിലേക്കാണ് ഭീഷണി കോള്‍ വന്നത്. മോശമായി സംസാരിച്ചതിന് പുറമെ സിനിമ പുറത്തിറങ്ങിയാല്‍ കൊന്നുകളയുമെന്ന് ഭീഷണിപ്പെടുത്തിയതായും ധന്യ പറയുന്നു. അമ്മയ്‌ക്കൊപ്പമാണ് ധന്യ ജീവിക്കുന്നത്. എനിക്കും അമ്മയ്ക്കും വേണ്ട സംരക്ഷണം നല്‍കണമെന്ന് സിറ്റി പൊലീസ് കമ്മീഷണര്‍ക്ക് നല്‍കിയ പരാതിയില്‍ പറയുന്നു.