ചാറ്റ്‌ബോക്കിസില്‍ എത്തി അപമാനിച്ച യുവാവിനു നടിയും മോഡലുമായ സോഫിയ ഹയാത്ത് നല്‍കിയ കുറിക്കു കൊള്ളുന്ന മറുപടി ചര്‍ച്ചയാകുന്നു. ചാറ്റിന്റെ സ്‌ക്രീന്‍ ഷോര്‍ട്ട് ഉള്‍പ്പെടെ പരസ്യപ്പെടുത്തി കൊണ്ടായായിരുന്നു സോഫിയയുടെ മറുപടി. അഭിനയം, മോഡലിങ്, ഷൂട്ടിങ് എന്നിവയ്ക്കു പുറമെ നിങ്ങള്‍ക്ക് എന്തു സേവനമാണ് ഉള്ളത് എന്നു ചോദിച്ചയാള്‍ക്കായിരുന്നു സോഫിയ കുറിക്കു കൊള്ളുന്ന മറുപടി പറഞ്ഞത്. സ്ത്രീകളെ വിലകൊടുത്തു വാങ്ങാമെന്നു കരുതുന്ന നിങ്ങളെ പോലെയുള്ള ആളുകളെ ഒരു പാഠം പഠിപ്പിക്കുക. നിങ്ങളുടെ അമ്മയോടു സഹതാപം തോന്നുന്നു. അവരെ ആരെങ്കിലും വാങ്ങിയതു കൊണ്ടല്ലെ നിങ്ങള്‍ ഉണ്ടായത് എന്നായിരുന്നു സോഫിയയുടെ മറുപടി.

ഇവര്‍ക്ക് അവരുടെ അമ്മമാരോട് എന്ത് ബഹുമാനമാണുള്ളത്. ബിക്കിനി ധരിക്കുന്നത് കൊണ്ട് ഞാന്‍ കാശിനുവേണ്ടി ആരുടെ കൂടെയും കിടക്കുമെന്നാണോ? എങ്ങനെയാണ് അവര്‍ ഇങ്ങനെ ധരിക്കുന്നത്. നിങ്ങളെല്ലാവരും നഗ്നരായി തന്നെയാണ് പിറന്നത്. പിന്നെ ആരോ നിങ്ങളെ നാണക്കേട് എന്താണെന്ന് പഠിപ്പിച്ചു.

ഒരു സ്ത്രീയുടെ ശരീരം നാണംകെട്ടതാണെന്നും പഠിപ്പിച്ചു. നിങ്ങള്‍ നിങ്ങളുടെ അമ്മയുടെ മുലക്കണ്ണുകള്‍ ചപ്പുകയും പാല്‍ കുടിക്കുകയും ചെയ്തു. എന്നിട്ടും ഒരു സ്ത്രീ ബിക്കിനി ധരിക്കുമ്ബോള്‍ അവരെ മോശമായ രീതിയില്‍ നോക്കുന്നു. നിങ്ങളുടെ അമ്മയും നഗ്നയായിരുന്നു അവരുടെ കാലുകള്‍ക്കിടയിലൂടെയാണ് നിങ്ങളും വന്നത്.

ഒരു സ്ത്രീയുടെ പാവനത എന്താണെന്ന് മനസ്സിലാക്കൂ. അവരെ ബഹുമാനിക്കാന്‍ പഠിക്കൂ. നിങ്ങള്‍ക്ക് കണ്ണ് കൊണ്ട് ഒരു സത്രീയെ നോക്കാന്‍ കൂടി അര്‍ഹനല്ല, ചാറ്റിന്റെ സ്ക്രീന്‍ ഷോട്ടിനൊപ്പം സോഫിയ കുറിച്ചു. സോഫിയയുടെ ഈ കുറിപ്പിന് വലിയ സ്വീകാര്യതയാണ് ആരാധകരില്‍ നിന്ന് ലഭിച്ചത്.