ഐശ്വര്യ റായിയുടെ പേരില്‍ പത്തു വര്‍ഷം മുമ്പ് അമിതാഭ് ബച്ചന്‍ നല്‍കിയ വാക്ക് ഇപ്പോഴും വെറും വാക്കായി തന്നെ നിലനില്‍ക്കുന്നു.ബച്ചാന്‍ തന്റെ മരുമകള്‍ ഐശ്വര്യ റായിയുടെ പേരില്‍ ഒരു സ്‌കൂള്‍ നിര്‍മ്മിച്ച് നല്‍കാം എന്നു വാഗ്ദാനം നല്‍കിരുന്നു. ഐശ്വര്യ ബച്ചാന്‍ കന്യ മഹാവിദ്യാലയ് എന്നായിരുന്നു ബച്ചാന്‍ കോളേജിനു നല്‍കിയ പേര്. 2008 ജനുവരി 27 ന് തറക്കല്ലിടലും നടത്തി. എന്നാല്‍ അതിനു ശേഷം താരവും കുടുംബവും ആ വഴി വന്നിട്ടു പോലും ഇല്ല എന്ന് നാട്ടുകാര്‍ പറയുന്നു. 

2008 ലായിരുന്നു സംഭവത്തിന്റെ തുടക്കം. അമിതാഭ് ബച്ചന്റെ ജന്മനാടായ ഉത്തര്‍പ്രദേശിലെ ബാരാബംഗി ജില്ലയിലെ ദൗലത്പൂര്‍ ഗ്രാമത്തിലാണ് ബച്ചാന്‍ തന്റെ മരുമകള്‍ ഐശ്വര്യ റായിയുടെ പേരില്‍ ഒരു സ്‌കൂള്‍ നിര്‍മ്മിച്ച് നല്‍കാം എന്നു വാഗ്ദാനം നല്‍കിരുന്നത്.

ഭാര്യ ജയ ബച്ചനും മകന്‍ അഭിഷേകിനും മരുമകള്‍ ഐശ്വര്യയ്ക്കും ഒപ്പം എത്തി അമിതാഭ് ബച്ചന്‍ കോളേജിനു തറക്കല്ലിടുകയും ചെയ്തു.ബച്ചന്‍ വാക്കു നല്‍കിയ കാര്യം പൂര്‍ത്തിയാക്കാന്‍ നാട്ടുകാര്‍ തുനിഞ്ഞ് ഇറങ്ങുകയായിരുന്നു. താരം തറക്കല്ലിട്ടടുത്ത് നിന്നു 500 മീറ്റര്‍ മാറി നാട്ടുകാര്‍ പുതിയ സ്ഥലം കണ്ടെത്തി.

നാട്ടിലെ ഒരു അധ്യാപകന്‍ കോളേജ് നിര്‍മ്മിക്കാനുള്ള സ്ഥലം വിട്ടു നല്‍കി. തുടര്‍ന്നു നാട്ടുകാരുടെ സഹകരണത്തോടെ 60 ലക്ഷം രൂപയുടെ കോളേജ് നാട്ടുകാര്‍ പണുതുയര്‍ത്തി. ദൗലത്പുര്‍ ഡിഗ്രി കോളേജ് എന്നാണ് ഇവര്‍ കോളേജിനു നല്‍കിയ പേര്. ഫൈസാബാദ് ആര്‍. എം. എല്‍ അവധ് യൂണിവേഴ്‌സിറ്റിയില്‍ അഫിലിയേറ്റ് ചെയ്ത കേളേജില്‍ നിലവില്‍ ബി എ, എഎസ് സി, കോഴ്‌സുകളാണ് ഉള്ളത്. ഇതുവരെ വിഷയത്തില്‍ ബച്ചന്‍ പ്രതികരിച്ചിട്ടില്ല.