മഹാനടി കാണുന്നതിനിടെ തനിയ്ക്കും കുടുംബത്തിനു നേരിടേണ്ടി വന്ന അപമാനത്തെ കുറിച്ച് തുറന്ന്പറഞ്ഞ് താരം
ദുല്ഖര് സല്മാന് കീര്ത്തി സുരേഷ് കേന്ദ്രകഥാപാത്രങ്ങളായി എത്തിയ ചിത്രമാണ് മഹാനടി. സിനിമ തെലുങ്കില് പുറമേ മലയാളം, തമിഴ് പതിപ്പുകള് പുറത്തിറക്കിയിരുന്നു. മൂന്ന് ഭാഷയിലും മികച്ച പ്രതികരണത്തോട് കൂടി ചിത്രം ഹൗസ്ഫുള്ളായി ഓടുകയാണ്.
എന്നാല് സിനിമ കാണുന്നതിനിടെ നടിയും ടെലിവിഷന് അവതാരികയുമായ ഹരി തേജ് അപമാനിക്കപ്പെട്ടതായി ഫെയ്സ്ബുക്കില് പറയുന്നു. കുച്ചുപ്പുഡി നര്ത്തകിയായ ഹരി തേജ റിയാലിറ്റി ഷോയിലൂടെയാണ് ടെലിവിഷന് രംഗത്തില് എത്തിയത്. താരം തന്നെയാണ് തനിയ്ക്കും കുടുംബത്തിനു നേരിടണ്ടി വന്ന അപമാനത്തെ കുറിച്ച് പുറം ലോകത്തെ അറിയിച്ചത്. ഫേസ്ബുക്ക് ലൈവിലൂടെയാണ് തിയേറ്ററില് നിന്ന് തനിയ്ക്ക് നേരിടേണ്ടി വന്ന അപമാനത്തെ കുറിച്ച് താരം വ്യക്തമാക്കിയത്. വിഷയത്തില് വീട്ടുകാരും ഭാഗമായതാണ് നടിയെ കൂടുതല് വിഷമിപ്പിച്ചത്.
അച്ഛന്റേയും അമ്മയുടേയും ഒപ്പമാണ് ഹാരി തേജ മഹാനടി കാണാന് പോയത്. എന്നാല് സിനിമയുടെ ഇടവേള സമയത്താണ് തങ്ങളെ ഒന്നടങ്കം ഞെട്ടിപ്പിക്കുന്ന സംഭവം നടന്നത്. ഒരു സ്ത്രീയുടെ വാക്കുകളാണ് പ്രശ്നത്തിന് കാരണമായത്. അവരുടെ പെരുമാറ്റവും സംസാര രീതിയും തന്നെ നന്നായി ചൊടിപ്പിച്ചുവെന്നും ഹരി ലൈവില് പറഞ്ഞു. ഫേസ്ബുക്ക് ലൈവില് താരം കരയുകയായിരുന്നു.
സിനിമയുടെ ഇടവേള സമയത്ത് അച്ഛന് അമ്മയുടെ അടുത്ത് ഇരിക്കാന് എത്തിയതാണ് പ്രശ്നമായത്. അച്ഛന് ഇരിക്കാന് തുടങ്ങിയപ്പോഴേയ്ക്കും ആ സ്ത്രീ വിലക്കുകയായിരുന്നു. അച്ഛന് സീറ്റില് ഇരിക്കാന് പാടില്ലെന്നായിരുന്നു അവരുടെ ആവശ്യം. അച്ഛന്റെ സീറ്റിനരുകില് അവരുടെ മകളുടെ സീറ്റാണെന്നും അവിടെ ഇരിക്കാന് പാടില്ലെന്നും ഇവര് പറഞ്ഞു. എന്നാല് തന്റെ അച്ഛനാണ് ഇതെന്നും പറഞ്ഞെങ്കിലും ഫലമുണ്ടായിരുന്നില്ല. ശേഷം സഭ്യമല്ലാത്ത ഭാഷയില് തങ്ങളെ പരിഹസിച്ചെന്നും താരം ലൈവില് പറഞ്ഞു.
താന് അച്ഛനാണെന്നു പറഞ്ഞപ്പോള് ആ സ്ത്രീ നല്കിയ മറുപടി തന്നെ വളരെ വേദനപ്പിച്ചുവെന്ന് ഹരി പറഞ്ഞു. നിങ്ങള് സിനിമാക്കാരാണ്. നിങ്ങള്ക്ക് അടുത്തൊരു പുരുഷനെ കിട്ടിയാല് ആസ്വദിക്കാന് കഴിയുന്നവരാണ്. എന്നാല് ഞങ്ങള് അങ്ങനെയല്ല. ഇങ്ങനെയായിരുന്നു ആ സ്ത്രീയുടെ മറുപടി. ഇത് തന്നെ അപമാനിക്കുന്നതിനു തുല്യമായിരുന്നുവെന്ന് ഹരി പറഞ്ഞു. കൂടാതെ തന്റെ മുന്നില്വച്ച് തന്റെ കുടുംബത്തെ അപമാനിച്ചതു സഹിക്കാനായില്ലെന്നും ഇവര് കൂട്ടിച്ചേര്ത്തു. താന് നടിയായത് തന്റെ കഠിനാധ്വാനം കൊണ്ട് മാത്രമാണെന്ന് ലൈവില് താരം പറഞ്ഞു. അല്ലാതെ ആരുടേയും ഔദാര്യം കൊണ്ടോ അമിതമായ സഹായം കൊണ്ടല്ലായെന്നും ഇവര് പറഞ്ഞു.
https://www.facebook.com/Malayalivartha
