കോലമാവ് കോകിലെ എന്ന ചിത്രത്തിലെ ഒറ്റ പാട്ട് കൊണ്ട് പ്രേക്ഷകരുടെ പ്രിയങ്കരനായി മാറിയിരിക്കുകയാണ് യോഗി ബാബു. നയൻസിനൊപ്പമുള്ള പാട്ട് ഇതിനകം തന്നെ ഹിറ്റായി മാറിയിരിക്കുകയാണ് നയന്‍സിനോടൊപ്പമുള്ള കല്യാണ വയസ് പാട്ട് സമൂഹമാധ്യമങ്ങളില്‍ വൈറലാകുകയാണ്.

ഈ അവസരത്തിലാണ് യോഗി തനിയ്ക്ക് നേരിടേണ്ടി വന്ന അവഗണനയെ കുറിച്ച്‌ വെളിപ്പെടുത്തിയത്. തമിഴിലെ ഒരു മുന്‍നിര നായികയില്‍ നിന്നാണ് യോഗിയ്ക്ക് മോശനുഭവം നേരിടേണ്ടി വന്നത്. ആ സംഭവം തന്നെ ഏരെ വേദനിപ്പിച്ചുവെന്നും താരം പറയുന്നു.

ഒരു സിനിമ ഷൂട്ടിനിടെയാണ് സംഭവം. സിനിമയിൽ ഒരു കോമഡി രംഗത്തിൽ നടി തന്നെ കെട്ടിപ്പിടിക്കുന്ന ഒരു സീന്‍ ഉണ്ടായിരുന്നു. എന്നാല്‍ സീനിനനുസരിച്ച് യോഗിയെ കെട്ടിപ്പിടിക്കാന്‍ തെന്നിന്ത്യയിലെ മുന്‍നിര നിയികമാരില്‍ ഒരാളായ നടി വിസമ്മതിച്ചു. സംവിധായകന്‍ അപേക്ഷിച്ചിട്ടും അവര്‍ ആ രംഗം ചെയ്യാന്‍ കൂട്ടാക്കിയില്ല. അത് തന്നെ വല്ലാതെ വിഷമിപ്പിച്ചുവെന്നും യോഗി പറഞ്ഞു . അതേസമയം നടിയുടെ പേരോ അവരെ കുറിച്ചുള്ള കൂടുതല്‍ വിവരങ്ങളോ വെളിപ്പെടുത്താന്‍ യോഗി തയ്യാറായിരുന്നില്ല.

കൊലമാവ് കോകിലയില്‍ മുഖ്യകഥാപാത്രമായാണ് യോഗി വെള്ളിത്തിരയിലെത്തുന്നത്. നയന്‍ താരയുടെ കഥാപാത്രമായ കോകിലയുടെ മനസില്‍ ഇടംപിടിക്കാനായി പിന്നാലെ നടക്കുന്ന കഥാപാത്രമാണ് യോഗിയുടേത്. നയന്‍താരയോടൊപ്പമുള്ള അനുഭവം വളരെ മികച്ചതായിരുന്നു. ഓരേ രംഗം ചിത്രീകരിക്കുന്ന സമയത്തും താരം മികച്ച പിന്തുണ നല്‍കിയിരുന്നു. അഭിനയിക്കുന്ന പല ഘട്ടത്തിലും താരത്തിനോട് തനിയ്ക്ക് പ്രണയം ശരിയ്ക്ക് തോന്നിയെന്നും യോഗി പറഞ്ഞു.