അണിയറ രഹസ്യങ്ങള്‍ ചോരാതിരിക്കാന്‍ തമിഴ് സിനിമകളുടെ സെറ്റില്‍ സെല്‍ഫോണുകള്‍ക്ക് വിലക്ക്. പ്രൊഡക്ഷന്‍ ബോയ്‌സിന് പോലും മൊബൈല്‍ ഉപയോഗിക്കാന്‍ അനുവാദമില്ല. എല്ലാവര്‍ക്കും യൂണിഫോമും ഐഡന്റിറ്റി കാര്‍ഡും നല്‍കിയിട്ടുണ്ട്. അതുള്ളവര്‍ക്ക് മാത്രമേ ലൊക്കേഷനില്‍ പ്രവേശനമുള്ളൂ. ശങ്കറിന്റെ യന്തിരന്‍ ടുവും ശിവകാര്‍ത്തികേയന്റെ റെമോയും വിജയ് യുടെ തെറിയും എല്ലാം ഇത്തരത്തിലാണ് ചിത്രീകരിച്ചത്.

രജനിമുരുകനിലൂടെ ഹിറ്റ് ജോഡിയായ ശിവകാര്‍ത്തികേയനും കീര്‍ത്തിയും ഒന്നിക്കുന്ന ചിത്രമാണ് റെമോ. ചിത്രത്തില്‍ നാല് വ്യത്യസ്ത കഥാപാത്രങ്ങളെയാണ് ശിവകാര്‍ത്തികേയന്‍ അവതരിപ്പിക്കുന്നത്. അതിനാലാണ് കര്‍ശന നിയന്ത്രണം ഏര്‍പ്പെടുത്തിയിരിക്കുന്നത്. പലരും മൊബൈലില്‍ പടമെടുത്ത് ഇന്റര്‍നെറ്റിലും മറ്റും ഇടുന്നതിനാലാണ് ഇങ്ങിനെ ഒരു നീക്കമെന്ന് അണിയപ്രവര്‍ത്തകര്‍ പറഞ്ഞു. അമേരിക്കന്‍ മേക്കപ്പ്മാനായ സീന്‍ഫുട്ടാണ് ചിത്രത്തില്‍ ചമയം നിര്‍വഹിക്കുന്നത്.

ശങ്കറിന്റെ ഐ, ലോര്‍ഡ് ഓഫ് ദ റിംഗ്‌സ് എന്ന ഇംഗ്ലീഷ് ചിത്രത്തിലും സീന്‍ഫുട്ട് മേക്കപ്പ് നിര്‍വഹിച്ചിരുന്നു. ഇദ്ദേഹത്തിന്റെ മേക്കപ്പ് കൂട്ടുകള്‍ അതീവ രഹസ്യമാണ്. അക്കാര്യം ചോര്‍ന്ന് പോകാതിരിക്കാന്‍ കൂടിയാണ് സെറ്റില്‍ കര്‍ശന നിയന്ത്രണം ഏര്‍പ്പെടുത്തിയത്. തമിഴ് സനിമയില്‍ ഇത്തരം നിയന്ത്രണങ്ങള്‍ ആദ്യം ഏര്‍പ്പെടുത്തിയത് മണിരത്‌നമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha