തമിഴ് സിനിമ ലോകം അടുത്തിടെ ഇത്രയും ഞെട്ടിയ ഒരു സംഭവം ഉണ്ടായിട്ടില്ല. സുചി ലീക്ക്സ് എന്ന പേരില്‍ തമിഴിലെ പ്രമുഖ താരങ്ങളുടെ സ്വകാര്യ ചിത്രങ്ങളും വീഡിയോകളും ട്വിറ്ററില്‍ പറന്നുകളിക്കുകയാണ്. ഗായിക സുചിത്ര കാര്‍ത്തികിന്റെ പേരിലാണ് ഈ ട്വീറ്റുകള്‍ പ്രത്യക്ഷപ്പെടുന്നത്.

നടന്‍ ധനുഷിനേയും സംഗീത സംവിധായകന്‍ അനിരുദ്ധിനേയും ലക്ഷ്യമിട്ടുള്ള പോസ്റ്റുകള്‍ വഴി നടിമാരായ സഞ്ജിത ഷെട്ടി, തൃഷ, അനൂയ എന്നിവരുടെ അപകീര്‍ത്തികരമായ ചിത്രങ്ങള്‍ പുറത്ത് വന്നുകഴിഞ്ഞു. ഇനി നയന്‍താരയുടേയും സംവിധായകന്റേയും സ്വകാര്യ വീഡിയോ പുറത്ത് വിടുമെന്നാണ് ഭീഷണി. ഇതുവരെ ഇരകളായ താരങ്ങള്‍ക്ക് ചിലത് പറയാനുണ്ട്.

ഇത്തരത്തില്‍ പ്രചരിക്കുന്ന വീഡിയോകള്‍ തന്റേതല്ലെന്നാണ് നടി സഞ്ജിത ഷെട്ടിയുടെ പ്രതികരണം. സഞ്ജിതയുടേതെന്ന പേരില്‍ നഗ്‌നവീഡിയോകളാണ് പുറത്ത് വന്നത്. അതേസമയം തന്റെതല്ലെങ്കില്‍ എന്തിനാണ് കണ്ണു നിറയുന്നത് എന്ന് സുചി ലീക്ക്സ് റീട്വീറ്റ് ചെയ്തിരിക്കുന്നു.

മലയാളിയായ തമിഴ് താരം പാര്‍വ്വതി നായരും സുചി ലീക്ക്സില്‍ പെട്ടിട്ടുണ്ട്. പാര്‍വ്വതിയുടേതും ധനുഷിന്റേയും സ്വകാര്യവീഡിയോ ട്വിറ്ററിലിടും എന്നായിരുന്നു ഭീഷണി. ഇതിന് താരം മറുപടിയുമായി വന്നിട്ടുണ്ട്.


ട്വിറ്റര്‍ പോലൊരു പൊതു ഇടത്തില്‍ മറ്റുള്ളവര്‍ക്കെതിരെ ഇത്തരം ആരോപണങ്ങള്‍ ഉന്നയിക്കുന്നത് ക്രിമിനല്‍ കുറ്റമാണ്. ആളുകള്‍ ഇത്തരം വിഡ്ഢിത്തങ്ങള്‍ അവസാനിപ്പിക്കുമെന്ന് കരുതുന്നു. തന്റെ ഭാഗത്ത് തെറ്റൊന്നുമില്ല എന്നാണ് ട്വീറ്റ്.

തൃഷയുടെ പ്രചരിക്കപ്പെട്ട ചിത്രങ്ങള്‍ റാണ ദഗുബാട്ടി ഉള്‍പ്പെടെ ഉള്ളവരുടെ കൂടെയുളളതായിരുന്നു. ഇതിന് പ്രതികാരം ചെയ്യുന്നില്ലെന്നും എല്ലാം കാണുന്നുണ്ടെന്നും തൃഷ പ്രതികരിച്ചു. ദൈവം എല്ലാം കാണുന്നുണ്ടെന്നും താരം പറഞ്ഞു.

നടി അനൂയയും പ്രചാരണം സംബന്ധിച്ച് പ്രതികരണവുമായി രംഗത്ത് വന്നിരുന്നു. തന്റേത് എന്ന പേരില്‍ പ്രചരിക്കുന്നത് മോര്‍ഫ് ചെയ്ത ചിത്രങ്ങളാണ് എന്നാണ് അനൂയയുടെ പ്രതികരണം. ഇത് ചെയ്തവരെ നിയമത്തിന് മുന്നില്‍ കൊണ്ടുവരണമെന്നും അനൂയ പറയുന്നു.

കഴിഞ്ഞ ദിവസങ്ങളിലാണ് ധനുഷിനെതിരെ ലൈംഗിക ആരോപണങ്ങള്‍ ഉള്‍പ്പെടെ ഉള്ളവ ഉന്നയിച്ച് ഗായികയും റേഡിയോ ജോക്കിയുമായ സുചിത്ര കാര്‍ത്തികിന്റെ പേരില്‍ ട്വീറ്റുകള്‍ വന്നുതുടങ്ങിയത്. ധനുഷിന്റേയും അനിരുദ്ധിന്റേയും  യഥാര്‍ത്ഥ മുഖം പുറത്ത് കൊണ്ടുവരുമെന്ന് പറഞ്ഞാണ് ട്വീറ്റുകളുടെ പ്രവാഹം.

എന്നാല്‍ തന്റെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടതാണെന്നും താനല്ല താരങ്ങളുടെ സ്വകാര്യ ചിത്രങ്ങള്‍ പ്രചരിപ്പിക്കുന്നത് എന്നുമാണ് സുചിത്ര കൃഷ്ണന്‍ ഒരു സ്വകാര്യ ചാനലിന് നല്‍കിയ അഭിമുഖത്തിൽ  പറയുന്നത്. ഇനിയും പ്രമുഖ താരങ്ങളുടെ സ്വകാര്യനിമിഷങ്ങള്‍ പരസ്യമാക്കുമെന്ന ഭീഷണിയില്‍ കിടുങ്ങിയിരിക്കുകയാണ് തമിഴ് സിനിമ ലോകം.