പ്രേക്ഷകരെ ഞെട്ടിക്കുന്ന വാര്‍ത്തയാണ് ഇപ്പോള്‍ പുറത്തുവന്നിരിക്കുന്നത്. ബ്രഹ്മാണ്ഡചിത്രം ബാഹുബലി 2 വ്യാജപതിപ്പ് ഫെയ്‌സ്ബുക്കിലൂടെ ചോര്‍ന്നു. തിരുപ്പതി സ്വദേശിയുടെ ഫെയ്‌സ്ബുക്ക് അക്കൗണ്ടിലൂടെയാണ് സിനിമ മുഴുവനായി പ്രദര്‍ശിപ്പിക്കുന്നത്. ഇരുപത്തിയാറായിരം ആളുകള്‍ ഇതിനോടകം ചിത്രം കണ്ടുകഴിഞ്ഞു. രണ്ടായിരത്തോളം ആളുകള്‍ വിഡിയോയും ഷെയര്‍ ചെയ്തു.

സിനിമയുടെ ആദ്യ 51 മിനിറ്റ് ഭാഗമാണ് ഫെയ്‌സ്ബുക്കില്‍ ൈലവ് ആയി പോസ്റ്റ് ചെയ്തത്. തിയറ്ററില്‍ നിന്നുമാണ് ചിത്രം പകര്‍ത്തിയിരിക്കുന്നത്. മൊബൈല്‍ വഴി ചെയ്തതാണെന്നാണ് സൂചന. ഇതിന് മുമ്പും പല ചിത്രങ്ങളും റിലീസ് ദിവസം ഫെയ്‌സ്ബുക്കിലൂടെ ലൈവ് ആയി പ്രദര്‍ശിപ്പിച്ചിട്ടുണ്ട്. എന്നിട്ടും ഇതു തടയാന്‍ ശക്തമായ സംവിധാനം ഇല്ല എന്നതാണ് സങ്കടകരമായ കാര്യം.