തന്റെ സംഗീതപരിപാടിയുടെ ഭാഗമായി ഇപ്പോള്‍ അമേരിക്കയിലാണ് തമിഴിലെ പ്രശസ്ത ഗായികയായ ചിന്മയി ശ്രീപദ. സംഗീത പരിപാടിയുടെ ഇടവേളയ്ക്കിടെ സാന്‍ ഫ്രാന്‍സിസ്‌കോ സന്ദര്‍ശിക്കാന്‍ പോയപ്പോഴാണ് ചിന്മയിക്ക് പണി കിട്ടിയത്. തന്റെ ട്വിറ്റര്‍ അക്കൗണ്ട് വഴി ചിന്മയി തന്നെയാണ് തനിക്ക് സംഭവിച്ചതെന്തെന്ന് ലോകത്തെ അറിയിച്ചത്.

കാര്‍ റോഡരികില്‍ നിര്‍ത്തിയിട്ട് പോയ ചിന്മയി തിരിച്ചുവരുമ്‌ബോഴേക്ക് കള്ളന്മാര്‍ കാറിലുള്ളതെല്ലാം അടിച്ചോണ്ട് പോയിരുന്നു. കാറിന്റെ ജനല്‍ച്ചില്ല് അടിച്ച് തകര്‍ത്ത നിലയിലായിരുന്നു. പോലീസിനെ വിവരമറിയിച്ചപ്പോള്‍ താന്‍ കൊള്ളയടിക്കപ്പെട്ടുവെന്ന് ഉള്‍ക്കൊള്ളാന്‍ തന്നെ സമയമെടുത്തുവെന്ന് ചിന്മയി പറയുന്നു.

പോലീസിനെ സമീപിച്ചപ്പോള്‍ ആ സ്ഥലത്ത് കളളന്മാരുടെ ശല്യം വളരെയധികമാണെന്നായിരുന്നു മറുപടി. ഒരു ചുവന്ന മുടിക്കാരി ചിന്മയിയുടെ കാറില്‍ നിന്നും സാധനങ്ങള്‍ കൊള്ളയടിക്കുന്നത് അടുത്തുള്ള കാമറയില്‍ പതിഞ്ഞിട്ടുണ്ട്. സംഭവം കണ്ടവര്‍ കണ്ടത് കൊണ്ടാണ് കാറെങ്കിലും തിരികെ കിട്ടിയതെന്നും ചിന്മയി ട്വീറ്റ് ചെയ്തിരിക്കുന്നു.