സൂര്യ, ശരത് കുമാര്‍, സത്യരാജ് എന്നിവരടക്കം 8 തമിഴ് സിനിമാ താരങ്ങള്‍ക്കെതിരെയാണ് ഊട്ടിയിലെ ജുഡീഷ്യല്‍ മജിസ്‌ട്രേറ്റ് കോടതി ജാമ്യമില്ലാ വാറണ്ട് പുറപ്പെടുവിച്ചിരിക്കുന്നത്. ഇവരെക്കൂടാതെ തമിഴിലെ പ്രശസ്തരായ വിവേക്, അരുണ്‍ വിജയ്, ശ്രീപ്രിയ, ശര്ണ്‍, വിജയ് കുമാര്‍, എന്നിവര്‍ക്കും അറസ്റ്റ് വാറണ്ടുണ്ട്.

മാധ്യമ പ്രവര്‍ത്തകരെ അധിക്ഷേപിക്കുകയും മോശം പരാമര്‍ശം നടത്തുകയും ചെയ്ത കേസിലാണ് അറസ്റ്റ് വാറന്റ് പുറപ്പെടുവിച്ചിരിക്കുന്നത്. ഇതിനെത്തുടര്‍ന്ന് മുതിര്‍ന്ന പത്രപ്രവര്‍ത്തകനായ റൊസാരിയോ മരിയ സൂസെ ഊട്ടി മജിസ്‌ട്രേറ്റ് കോടതിയില്‍ പരാതി നല്‍കി. പലതവണ കോടതി ഹാജരാവാന്‍ നിര്‍ദേശിച്ചിട്ടും താരങ്ങള്‍ ഹാജരാവാത്തതിനാലാണ് കോടതി വാറണ്ട് പുറപ്പെടുവിച്ചിരിക്കുന്നത്.

2009ല്‍ ഒരു പത്രത്തില്‍ വന്ന വാര്‍ത്തയുമായി ബന്ധപ്പെട്ടാണ് സൂര്യയടക്കമുള്ള താരങ്ങള്‍ മാധ്യമങ്ങള്‍ക്കെതിരെ സംസാരിച്ചത്. തമിഴിലെ ഒരു നടി മറ്റു നടന്മാര്‍ക്കും നടിമാര്‍ക്കുമെതിരെ വേശ്യാവൃത്തി ഉള്‍പ്പെടെ ഉള്ള ആരോപണങ്ങള്‍ ഉന്നയിച്ചുവെന്നതായിരുന്നു പത്രം നല്‍കിയ വാര്‍ത്ത. 

വാര്‍ത്തയ്‌ക്കെതിരെ തമിഴ് സിനിമാ ലോകം ശക്തമായി പ്രതികരിച്ചു. ഇതേ തുടര്‍ന്ന പത്രം മാപ്പു പറയുകയും ചെയ്തിരുന്നു. 2009 ഒക്ടോബര്‍ 7ന് തമിഴ് സിനിമാ താരങ്ങളുടെ സംഘടനായ നടികര്‍ സംഘം യോഗം ചേര്‍ന്നിരുന്നു. ഈ യോഗത്തില്‍ പത്രക്കാരെ അടച്ചാക്ഷേപിക്കുന്ന തരത്തില്‍ സിനിമാ താരങ്ങളില്‍ നിന്നും പരാമര്‍ശങ്ങളുണ്ടായിരുന്നു. താരങ്ങള്‍ക്കെതിരെ പരാതിഇതിനെത്തുടര്‍ന്ന് മുതിര്‍ന്ന പത്രപ്രവര്‍ത്തകനായ റൊസാരിയോ മരിയ സൂസെ ഊട്ടി മജിസ്‌ട്രേറ്റ് കോടതിയില്‍ പരാതി നല്‍കി. ഈ പരാതിക്കെതിരെ താരങ്ങള്‍ മദ്രാസ് ഹൈക്കോടതിയെ സമീപിച്ചിരുന്നു. എന്നാല്‍ മാര്‍ച്ചില്‍ താരങ്ങളുടെ അപേക്ഷ കോടതി തള്ളിക്കളഞ്ഞു.