രജനീകാന്തിന്റെ ബ്രഹ്മാണ്ഡ ചിത്രം യെന്തിരൻ 2.0 യുടെ ടീസർ ചോർന്നു. ഏറ്റവും പുതിയ ചിത്രം ‘കാലാ’ യുടെ ടീസർ ചോർന്നതിനു പിന്നാലെയാണു ഇത്തരത്തിലൊരു സംഭവം. യെന്തിരൻ 2.0 യുടെ ടീസറിന്റെ രംഗങ്ങളാണ് അജ്ഞാതർ പുറത്തു വിട്ടിരിക്കുന്നത്. പുറത്തെത്തിയ വീഡിയോ നവമാധ്യമങ്ങളിൽ വൈറലായി മാറിക്കഴിഞ്ഞു.

400 കോടി രൂപ ചെലവിട്ടാണ് സംവിധായകൻ ശങ്കർ യെന്തിരന്റെ (2010) രണ്ടാം ഭാഗം ഒരുക്കുന്നത്. ഈ സിനിമയുടെ വിഎഫ്എക്സ് ഇനിയും പൂർത്തിയായിട്ടില്ല. അതിനിടയാണു ടീസർ ചോർന്നിരിക്കുന്നത്.

സംഭവത്തിനെതിരെ പ്രതികരിച്ച് രജനീകാന്തിന്റെ മകൾ സൗന്ദര്യ രംഗത്തെത്തിയിരിക്കുകയാണ്. ഇത് അംഗീകരിക്കാൻ കഴിയാത്ത കാര്യമാണെന്നും ഏതാനും സെക്കൻഡ് നേരത്തെ ആവേശത്തിനു വേണ്ടി ഒട്ടേറെപ്പേരുടെ അധ്വാനമാണ് ഇത്തരക്കാർ മറന്നു കളയുന്നതെന്നും സൗന്ദര്യ ട്വീറ്റ് ചെയ്തു.

അക്ഷയ്കുമാര്‍ അവതരിപ്പിക്കുന്ന വില്ലനും രജനിയുടെ നായകനും മികച്ചരീതിയിലുള്ള പ്രസന്‍സ് ടീസറിലുണ്ട്. എന്നാൽ പ്രമോഷനുവേണ്ടിയുള്ള അണിയറപ്രവര്‍ത്തകരുടെ തന്ത്രമാണോ ഇത് എന്നും സോഷ്യല്‍ മീഡിയ സംശയമുന്നയിക്കുന്നു.

പുറത്തെത്തിയ ദൃശ്യങ്ങൾ വേണ്ടപ്പെട്ടവര്‍ക്കുവേണ്ടി നടത്തിയ ടീസര്‍ പ്രിവ്യൂവില്‍നിന്ന് വീഡിയോ റെക്കോര്‍ഡ് ചെയ്ത് പുറത്തുവിട്ടതുപോലെയാണ് ആദ്യ കാഴ്ച്ചയില്‍ മനസിലാകുന്നത്.

വീഡിയോ കാണാം...