തോറ്റമ്പികളായ ബിടെക്കുകാരെ യുജിസി ക്ലിപ്പിട്ടു
നിങ്ങളുടെ മകനോ മകളോ നിശ്ചിത കാലയളവിനുള്ളില് ബിടെക് പാസാകാത്തയാളാണോ?.നിങ്ങള് വിദൂര വിദ്യാഭ്യാസ കേന്ദ്രം വഴി ബിരുദത്തിനോ ബിരുദാനന്തര ബിരുദത്തിനോ പഠിക്കുകയാണോ? പഠന കാലാവധി കഴിഞ്ഞെങ്കില് രണ്ടു വര്ഷത്തിനകം ജയിക്കണം ഇല്ലെങ്കില് പഠനം വഴിയില് മുടങ്ങും. അനിശ്ചിത കാല പഠനത്തിന് ക്ലിപ്പിടുകയാണ് യുജിസി.
കോഴ്സ് കഴിഞ്ഞ ശേഷവും അനിശ്ചിതമായി പഠനം നീട്ടികൊണ്ടുപോകുന്ന വിദ്യാര്ത്ഥികളുടെ കാര്യം ശ്രദ്ധയില് പെട്ടതിനെ തുടര്ന്നാണ് യുജിസിയുടെ തീരുമാനം. മൂന്നു വര്ഷത്തെ ബിരുദ പഠനം നടത്തുന്ന വിദ്യാര്ത്ഥിക്ക് പരീക്ഷ ജയിക്കാന് രണ്ടു വര്ഷം കൂടി നല്കും. അസാധാരണമായ സാഹചര്യത്തില് സര്വകലാശാലയുടെ പ്രത്യേക അനുമതി വാങ്ങി ഒരു കൊല്ലം കൂടി പഠിക്കാം. അതിലും ജയിച്ചില്ലെങ്കില് പഠനം ഉപേക്ഷിക്കുവാന് തയ്യാറാവുക.
കോഴ്സിന്റെ കാലാവധി കഴിഞ്ഞശേഷമുള്ള രണ്ടു വര്ഷം തോറ്റ പേപ്പറുകള് ജയിക്കാന് നല്കുന്ന അവസരമാണ്. കോഴ്സ് കാലാവധി കഴിഞ്ഞ ശേഷമുള്ള രണ്ടുകൊല്ലം വിദ്യാര്ത്ഥിയെ പ്രൈവറ്റായി കണക്കാക്കുകയും ചെയ്യും. ഇപ്രകാരം പഠിച്ച് റാങ്ക് വാങ്ങാനാണ് നീക്കമെങ്കില് അതിനും വിലക്കുണ്ട്.
റാങ്കിനൊന്നുംപ്രൈവറ്റ് വിദ്യാര്ത്ഥി പരിഗണിക്കപ്പെടുകയില്ല. ബിടെക് വിദ്യാര്ത്ഥികള്ക്കാണ് യുജിസിയുടെ തട്ട് കൂടുതലായി ഏല്ക്കേണ്ടിവരിക. കാരണം ലക്ഷകണക്കിന് ചെറുപ്പക്കാര് ബിടെക് കാലാവധി പൂര്ത്തിയാക്കി വര്ഷങ്ങള്ക്കു ശേഷമാണ് പേപ്പറുകള് എഴുതി ജയിക്കുന്നത് . കേരള സര്വകലാശാലയില് ബിടെക്കിന്റെ തോറ്റ വിഷയങ്ങള് എഴുതിയെടുക്കാന് 10 കൊല്ലം സര്വകലാശാല അനുവദിച്ചിട്ടുണ്ട്.
കാലിക്കറ്റിലും എംജിയിലും ഇത്തരത്തില് 10 കൊല്ലം അനുവദിക്കാറുണ്ട്. പല സര്വകലാശാലകളിലും എത്രകാലം കൊണ്ട് ഒരു കോഴ്സ് പൂര്ത്തിയാക്കണം എന്നത് സംബന്ധിച്ച് ഒരു നയംപോലുമില്ല. ഇത്തരത്തില് നയം കൊണ്ടു വരണമെന്ന് യുജിസി പലവട്ടം ആവശ്യപ്പെട്ടിട്ടുണ്ടെങ്കിലും സര്വകലാശാലകള് അതില് നിന്നും പിന്നാക്കം പോവുകയാണുണ്ടായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
