മിസ്ഡ് കോള്‍ വിവാദത്തില്‍ കുരുങ്ങിപ്പോയ ബിജെപി സംസ്ഥാന പ്രസിഡന്റ് വി മുരളീധരന് ആര്‍എസ് എസിന്റെ ശാസന. മര്യാദയ്ക്ക് ജീവിച്ചില്ലെങ്കില്‍ പുല്‍ക്കൊടി പറിച്ചെറിയുന്നതു പോലെ പറിച്ചെറിയും എന്നാണ് ഭീഷണി.
പി.പി. മുകുന്ദനെതിരെ വി മുരളീധരന്‍ നടത്തിയ പരാമര്‍ശമാണ് വിവാദത്തിന് കാരണമായിരിക്കുന്നത്. ആര്‍എസ് എസിന്റെ അനിഷേധ്യ നേതാവായിരുന്ന പിപി മുകുന്ദന് മിസ്ഡ് കോള്‍ അടിച്ചാല്‍ ബിജെപിയില്‍ അംഗത്വം ലഭിക്കുമെന്നായിരുന്നു മുരളീധരന്റെ പ്രസ്താവന. മുരളീധരന്റെ പ്രസ്താവന പുറത്തു വന്നയുടന്‍ ആര്‍എസ് എസ് സംസ്ഥാന നേതൃത്വം ബിജെപിയുടെ ദേശീയ അധ്യക്ഷന്‍ അമിത്ഷായെ ഫോണില്‍ വിളിച്ച് വി മുരളീധരനെ മര്യാദ പഠിപ്പിച്ചില്ലെങ്കില്‍ കളി പഠിപ്പിക്കുമെന്ന് ഭീഷണിപ്പെടുത്തി. ഡിസംബറോടുകൂടി മുരളീയെ മാറ്റാമെന്നാണ് അമിത്ഷാ ആര്‍എസ്എസിന് നല്‍കിയിരിക്കുന്ന ഉറപ്പ്, അതിനോടൊപ്പം പിപി മുകുന്ദനെ ബിജെപിയുടെ നേതൃനിരയിലേക്ക് കൊണ്ടു വരണമെന്നും അമിത് ഷാ ഉറപ്പു നല്‍കി.
ബിജെപി സംസ്ഥാന അധ്യക്ഷനെതിരെ നേരത്തെയും ആരോപണങ്ങള്‍ ഉയര്‍ന്നിട്ടുണ്ട്. മുതിര്‍ന്ന നേതാക്കള്‍ക്കെതിരെ നിരന്തരം സംസാരിക്കുകയും പഴയ കാല നേതാക്കളെ പരിഹസിക്കുകയും ചെയ്യുന്നത് മുരളീധരന് പതിവാണത്രേ.
പി.പി മുകുന്ദനെ ബിജെപി നേതൃത്വത്തിലേക്ക് മടക്കി കൊണ്ടു വരണമെന്ന് ആര്‍എസ്എസ് നേതോത്വം ആഗ്രഹിക്കുന്നുണ്ട്. വ്യക്തിപരമായ ആരോപണം ഉയര്‍ന്നതിനെ തുടര്‍ന്നാണ് മുകുന്ദന്‍ ബിജെപി വിട്ടത്. പാര്‍ട്ടി വിട്ടെങ്കിലും പാര്‍ട്ടിക്കാരെ തള്ളിപറയാനോ മോശമായി സംസാരിക്കാനോ മുകുന്ദന്‍ ശ്രമിച്ചിരുന്നില്ല. ഇതാണ് മുകുന്ദന് അനുകൂലമായി മാറിയിരിക്കുന്ന ഘടകം.
മുകുന്ദനെ ബിജെപിയുടെ സംസ്ഥാന ജനറല്‍ സെക്രട്ടറിയാക്കാനാണ് അമിത്ഷാ ആലോചിക്കുന്നത്. മുകുന്ദന്‍ പക്വമതിയായ നേതാവാണ് അദ്ദേഹത്തെ നേതൃനിരയിലേക്ക് കൊണ്ടു വരണമെന്ന ആഗ്രഹം പ്രമുഖ ബിജെപി നേതാക്കള്‍ക്കിടയില്‍ ശക്തമാണ്. എന്നാല്‍ അതിനു തടയിടാനാണ് മുരളീധരന്റെ ശ്രമം. വി.മുരളീധരനൊപ്പം പ്രവര്‍ത്തകരില്ലെന്നതാണ് മറ്റൊരു വസ്തുത.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha