ആര്യാടനെ നിലമ്പൂരില് തോല്പ്പിക്കണമെന്ന് ലീഗിന്റെ രഹസ്യ തീരുമാനം
അടുത്ത നിയമസഭാതിരഞ്ഞെടുപ്പില്‍ നിലമ്പൂരില് നിന്നും ആര്യാടനോ അദ്ദേഹത്തിന്റെ മകന്‍ ഷൗക്കത്തോ മത്സരിക്കുകയാണെങ്കില്‍ തോല്‍പിക്കണമെന്നാണ്‌ മുസ്ലീം ലീഗിന്റെ തീരുമാനം. മന്ത്രി പി.കെ. കുഞ്ഞാലിക്കുട്ടിയുടെ നേതൃത്വത്തില്‍ ലീഗിലെ മന്ത്രിമാരും എം.എല്‍.എ മാരും തിരുവനന്തപുരത്തെ രഹസ്യയോഗത്തില്‍ ഒരുമിച്ചിരുന്നാണ്‌ തീരുമാനം എടുത്തത്‌. ആര്യടന്‍ ലീഗിനെതിരെ പരസ്യ പ്രസ്‌താവന തുടരുന്ന സാഹചര്യത്തില്‍ അദ്ദേഹത്തെ നിയന്ത്രിക്കണമെന്ന്‌ മുഖ്യമന്ത്രിയോടും വി.എം. സുധീരനോടും ആവശ്യപ്പെടാന്‍ തീരിമാനിച്ചു. എന്നാല്‍ ഇവരാരും പറഞ്ഞാല്‍ ആര്യാടന്‍ കേള്‍ക്കാന്‍ ഇടയില്ലെന്നും ആര്യാടനെ നിലമ്പൂരില് പാഠം പഠിപ്പിക്കുകയുമാണ്‌ നല്ലതെന്നാണ്‌ തീരുമാനം.
ജാര്‍ഖണ്‌ഡില്‍ നിന്നും കുട്ടികളെ കൊണ്ടുവരുന്ന വിഷയത്തില്‍ ആര്യാടന്‍ നടത്തുന്ന പരസ്യ പ്രസ്‌താവനകളാണ്‌ ലീഗിനെ ചൊടിപ്പിച്ചിരിക്കുന്നത്‌. ആര്യാടന്റെ സംസാരം കേട്ടാല്‍ ലീഗ്‌ സി.പി.എം ആണെന്ന്‌ തോന്നിപോകുമെന്ന്‌ കുഞ്ഞാലിക്കുട്ടി യോഗത്തില്‍ പറഞ്ഞു. അച്യുതാനന്ദനെക്കുറിച്ചു പോലും ആര്യാടന്‍ ഇത്രയും മോശമായി സംസാരിച്ചിട്ടില്ലെന്നും അദ്ദേഹത്തിന്റെ പ്രതികരണങ്ങള്‍ അതികമാകുകയാണെന്നും ലീഗ്‌ നേതൃത്വം വിശ്വസിക്കുന്നു. കുട്ടികടത്തല്‍ മലപ്പുറം ജില്ലയിലെ കോണ്‍ഗ്രസ്‌ പ്രവര്‍ത്തകരെ പോലും ആര്യാടന്‍ തെറ്റദ്ധരിപ്പിക്കുകയാണെന്നാണ്‌ ലീഗ്‌ പറയുന്നത്‌.
ഉമ്മന്‍ചാണ്ടിക്കും സുധീരനും ഇക്കാര്യം അറിയാമെങ്കിലും ആര്യാടനോട്‌ സംസാരിക്കാന്‍ ഇവര്‍ക്ക്‌ ധൈര്യമില്ല. തനിക്ക്‌ നിലമ്പൂര്‍ വേണ്ടന്നാണ്‌ ആര്യാടന്‍ എല്ലാരോടും പറയുന്നത്‌. അതുകൊണ്ടുതന്നെ ലീഗുമായി തുടര്‍ന്നും കൊമ്പ്‌ കോര്‍ക്കുമെന്നും തന്നെ നിയന്ത്രിക്കാമെന്ന്‌ ആരും വ്യാമോഹിക്കാണ്ടെന്നും ആര്യാടന്‍ ആവര്‍ത്തിക്കുന്നു. ആര്യാടന്‍ മത്സരിച്ചില്ലെങ്കില്‍ സീറ്റ്‌ ഷൗക്കത്തിന്‌ നല്‍കും. നിലമ്പൂരില് ലീഗിന്‌ സ്വാധീനം ഉണ്ട്‌. ലീഗിന്റെ സ്വാധീനം ഉപയോഗിച്ച്‌ ആര്യാടനെയോ മകനെയോ തറപ്പറ്റിക്കണുമെന്നാണ്‌ തീരുമാനം. പൊന്നാനിയില്‍ ഇ.ടിയുടെ ഭൂരിപക്ഷം കുറച്ചത്‌ ആര്യാടനാണെന്ന ആക്ഷേപം നേരത്തേ തന്നെയുണ്ട്‌.
എ ഗ്രൂപ്പ്‌ വക്താവായിരുന്ന ആര്യാടന്‍ ഉമ്മന്‍ചാണ്ടിയോടുളള വിരോധത്തിന്റെ ഫലമായി രമേശിനും ഐ ഗ്രൂപ്പിനും ഒപ്പമാണ്‌ നിലകൊളളുന്നത്‌. മന്ത്രസഭായോഗത്തില്‍ രമേശിന്‌ വിമര്‍ശനമുണ്ടായെന്ന ആരോപണവും ആര്യാടന്‍ കൊച്ചിയില്‍ നടത്തിയ വാര്‍ത്താസമ്മേളനത്തില്‍ നിഷേധിച്ചു. കുട്ടികടത്ത്‌ വിഷയത്തില്‍ എല്ലാരും രമേശിനൊടൊപ്പമാണെന്നും ആര്യാടന്‍ പറഞ്ഞു. രമേശിന്റെ നിലപാടിനെ പ്രകീര്‍ത്തിക്കുന്നവരാണ്‌ മലയാളികളെന്നും ആര്യാടന്‍ പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
