മാണിയെ മുഖ്യമന്ത്രിയാക്കുന്നത് സി പി എമ്മിന്റെ അടവു നയം; നേതാക്കളെ വിലക്കെടുത്ത് പുതിയ തന്ത്രം
യു ഡി എഫ് സര്ക്കാരിന്റെ നാള്ക്കുനാള് വര്ധിച്ചു വരുന്ന ജനപ്രീതി കണ്ട് ഭയന്ന് കെ എം മാണിയെ സ്വന്തം തട്ടകത്തിലെത്തിക്കാന് വീണ്ടും സി പി എം ശ്രമം. കേരള കോണ്ഗ്രസ് നേതാക്കളെ കൈയ്യിലെടുത്ത് സി പി എം നടത്തുന്ന ശ്രമങ്ങളെ കെ എം മാണി മുളയിലേ നുള്ളി. തനിക്ക് മുഖ്യമന്ത്രിയാകാന് ആരുടേയും അച്ചാരം വേണ്ടെന്ന് മാണി തുറന്നടിച്ചു. തനിക്കതിന് മോഹവുമില്ല, അതിമോഹവുമില്ല.
കെ എം മാണിയെ മുഖ്യമന്ത്രിയാക്കിയ പുതിയ വിവാദത്തിന് പിന്നില് സി പി എമ്മിന്റെ രഹസ്യ അജണ്ടയാണെന്ന് കോണ്ഗ്രസ് നേതാക്കള് ഇതിനകം മനസിലാക്കി കഴിഞ്ഞു. ഉമ്മന്ചാണ്ടിയും തിരുവഞ്ചൂരും കെ സി ജോസഫുമൊക്കെ ചേര്ന്നു നല്കിയ അകമഴിഞ്ഞ പിന്തുണ ജോസ് കെ മാണിയെ ലക്ഷം വോട്ടിന്റെ ഭൂരിപക്ഷത്തിലെത്തിച്ചതില് മാണി കോണ്ഗ്രസിനോട് കൃതാര്ത്ഥനാണ്. ജോസ് കെ മാണിയുടെ കഴിവും ചെറുപ്പവും വിനയവും ഭാവിയിലും തങ്ങള്ക്ക് ഗുണകരമാകുമെന്ന് കോണ്ഗ്രസ് നേതാക്കള് കണക്ക് കൂട്ടുന്നു. ഇതിനിടയില് സി പി എമ്മുകാര് നടത്തുന്ന കുതന്ത്രങ്ങളൊന്നും തന്റെ മുന്നില് വിലപ്പോവില്ലെന്നും മാണി കരുതുന്നു.
മുന്പും മാണിയെ മുഖ്യമന്ത്രിയാക്കാന് സി പി എം ശ്രമിച്ചിരുന്നു. ഇതും സി പി എമ്മിന്റെ അടവുനയമായിരുന്നു. 9 നിയമസഭാംഗങ്ങളുള്ള കെ എം മാണി തങ്ങള്ക്കൊപ്പം വന്നാല് കേരളത്തില് മന്ത്രിസഭ തട്ടിക്കൂട്ടാനാകുമെന്ന് സി പി എം കരുതുന്നു. നേരാവണ്ണം ഒരു മന്ത്രിസഭയുണ്ടാക്കാന് അടുത്തകാലത്തൊന്നും സി പി എമ്മിന് സാധിക്കുകയില്ല. കാരണം സി പി എമ്മിന്റെ ജനപ്രീതി അനുദിനം കുറഞ്ഞു വരികയാണ്.
ഇതിനിടെ പാര്ലമെന്റ് തെരഞ്ഞെടുപ്പ് വന്നു. അതിലും സി പി എമ്മിന് അടിതെറ്റി. ഉമ്മന്ചാണ്ടിയെ കയറൂരി വിട്ടാല് തങ്ങളുടെ അടിസ്ഥാനം ഇളകുമെന്ന് സി പി എം ഭയക്കുന്നു. നന്നായി ചിരിക്കുകയും ഭംഗിയായി സംസാരിക്കുകയും ജനങ്ങള്ക്കൊപ്പം നില്ക്കുകയും ചെയ്യുന്ന നേതാക്കള് സി പി എമ്മില് ഇല്ല. ടി പി വധം സി ബി ഐ അന്വേഷിച്ചാല് സംസ്ഥാന നേതാക്കള് കുടുങ്ങുമെന്നും സി പി എം വിശ്വസിക്കുന്നു. എങ്ങനെയെങ്കിലും ഇതിനെയൊക്കെ അതിജീവിക്കാനാണ് സി പി എം ശ്രമിക്കുന്നത്. അതിനുവേണ്ടി എത്ര നാറിയ കളിയും സി പി എം കളിക്കും.
മാണിസാറിന്റെ മുഖ്യമന്ത്രി വിവാദത്തോട് ആരും പ്രതികരിക്കരുതെന്ന് സുധീരന് നേതാക്കള്ക്ക് നിര്ദ്ദേശം നല്കി. അങ്ങനെയൊരു സംഭവം മാണിസാറിന്റെ അജണ്ടയില് ഇല്ലാത്തപ്പോള് തങ്ങള് പ്രതികരിക്കരുതെന്നാണ് സുധീരന്റെ നിലപാട്. തങ്ങളുടെ തട്ടകത്തില് തോല്വി ഭയക്കുന്ന ചില നേതാക്കളാണ് ഇത്തരം വിവാദങ്ങള്ക്ക് പിന്നിലെന്നും സുധീരനും ഉമ്മന്ചാണ്ടിയും വിശ്വസിക്കുന്നു. അവര് കളിച്ച കളികളെല്ലാം പരാജയപ്പെട്ടു. ഇനി ഇത്തരം ഗിമിക്കുകളുമായി രംഗത്തെത്തും. ഇതിനിടെ ഉമ്മന്ചാണ്ടി മാറേണ്ട സാഹചര്യമില്ലെന്ന് പറഞ്ഞ് ലീഗും രംഗത്തെത്തി. എന്നാല് ജനിക്കാത്ത കുഞ്ഞിന്റെ ജാതകം എഴുതുന്നതെന്തിനാണെന്നാണ് നേതാക്കള് ചോദിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
